awEfeso 6:5 - Emakhuwa Bible

⁵ Ipottha, ngwiiweleleke asineene a nyuwo a vathi ni nttittimiho, woova, ni murima wootheene, ntoko wa Kristu.

awEfeso 6:5 Iomraidhean Croise

Epacerero 16:9

Vano ndyelo a Yave aamweerela: “Muhokoleele vaate wa pwiiyaanyu ni mwamwiiwelelewo.”

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Icipo 123:2

Hiiho ntoko maitho a epottha elopwana angwehexexaaya ntata na pwiiyaaya, ni hiiho ntoko maitho a epottha ethiyana angwehexexaaya ntata na muhanowaaya, mpakatho maithwaahu aningwehexexa Yave Mulukwaahu, niwehereraka weera animorele ikhararisawe.

Icipo 86:11

Ii! Yave, mukixuttihe iphirosanyu weera keette mweekhaikhaiyinimwaanyu; mukivahe murima woororomeleyaxa weera koove Nsinananyu.

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Matheyo 6:22

Maithwaanyu ti onyaari wa erutthu. Maithwaanyu yakhala ooreera, erutthwaanyu yootheene enoosareya waara.

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Matheyo 8:9

Vano, miyo kookhalano asitokweenaaka kimphwanelaaka owiiwelela. Ni kookhalanotho anakhotto ankiiwelela miyo. Kimmweerela mukina: ‘Orowe!’ ni onoorowa; ni wa mukina: ‘Owe!’ ni onimoowa. Kimmweerela murumeiyaaka: ‘Opake ela!’ ni onoopaka.”

Miteko 2:46

Mahuku ootheene yannapwaherera othukumana Mpaani mwa Muluku. Yannakawana sooca mmawannyaya ni yannaca vamoha ni ohakalala ni murima wootheene,

aRooma 9:3

Vano miyo koolikana, mpaka kaahaawela weera kilaphiwe ni kimwalanyihiwe ni Kristu niwoko na osivela wa axunnaka, yaawo a mulokwaaka,

1 aKorinto 2:3

Kaari oohilipa variyariwanyu, koovaka ni kithukumelaka.

1 aKorinto 7:22

Vano, yoole oniitthaniwa mwa Apwiya, areene epottha, ti neethi a Apwiya, onlikana ntoko yoole aari neethi iitthaniwaawe mwa Apwiya, ori epottha ya Kristu.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 7:15

Vano, woosivelaniwawe ori wootepaxa, uupuwelaka weera nyuwo ootheene mwaari oowiiwelela, mmwaakhelaka ni woova ni othukumela.

awEfeso 5:22

Axaara, ngwiiweleleke asiiyinyu ntoko wa Apwiya,

awEfeso 6:24

Mahala ekhale ni ootheene anaasivela Apwiyaahu Yeesu Kristu ni osivela woohimala.

aFilipi 2:12

Hiiho, oosiveleyaaka, ntoko mwiiwelelaanyu mahuku ootheene, khoohiyono miyo kaakhalaaka variyariwanyu paahi, mene wootepaxa vaanaano vaava miyo kinkhalaaka ottaiwene, mureherereke ovuluwawanyu wa mmunepani ni woova ni othukumela.

Filemone 1:16

ahikhalakatho ntoko epottha, mene opwaha epotta, aani, ntoko munna oosiveleya. Owo ti oosiveleyaaka wootepaxatho wa nyuwo – ntoko mweerutthuni nitho mwa Kristu.

Yoxuwa 24:14

Vanonto, mmoove Yave ni munrumeele ni murima woororomeleya. Mvonyere okhwipi miluku yaalapaaya makholowaanyu okhopela wEfrates ni wExipitu ni munrumeele Yave.

1 Pedru 3:2

niwoko awo animoona mweettelowaanyu ngwoovani wootteela.