awEfeso 6:13 - Emakhuwa Bible

¹³ Tivawo, ngwareke sowarela sowanela ekhotto sootheene sa Muluku weera ngwere wiixaakiha munihukuni na onanara, ni mwaamalihaka opaka sootheene, mukhale yeemelelo.

awEfeso 6:13 Iomraidhean Croise

Namalaleiya 12:1

Omuupuwelele Mpattuxaawo mmahukuni a omiravowaawo, ehinaaye ophiyera mahuku a makacamiho ni okhuveela iyaakha oneeraawo weere: “Nkinghakalalela seiyo,”

Amosi 6:3

Nyuwosa munuupuwela weera munsusa nihuku noonanara, mene vekhaikhai munkhuveeliha nihuku noowoopihaxa.

Malekiya 3:2

Vaheera, taani anaavilele nihuku na orwawawe? Ni taani aneemele ohoolowawe aarwaaka? Niwoko Owo anaakhale ntoko mooro ontteeliha ni ntoko sabawu oomukatthela.

Luuka 21:36

Mukhale oowehaweha mahuku ootheene, ni mvekele weera moopowe sootheene sineera sikhumelele, ni weera mweemele vamaithoni wa Mwaana a mutthu.”

Luuka 8:13

Mmiso waamorenle vamalukuni ti yaawo yiiwaka masu anaakhelela ni ohakalala, mene khaanono mikwankhwaari. Anroromela ehuhu ya vakhaani, mene yaaphiyaka ehuhu yooweereriwa, anoohiya.

aRooma 13:12

Ohiyu ohanle vakhaani omala, othana woonikhuveela. Tivawo, nihiye miteko sa mpiphini, ni niiwariheke ikuwo soowiixaakiha sa waara.

2 aKorinto 10:4

Wa ikapwitthi hiyo ningwananaahu, khasihiyono sa omutthu, ohiyanawaya, siri sa ikuru mwa Muluku weera siphwate mmapuroni oolipaxa a amwiittana.

awEfeso 5:16

mvarelaka muteko nnenesene ehuhu yootheene, niwoko mahuku ala ari oonanara.

awEfeso 5:6

Ahikhale anoolokottheni ni masu a siiyo. Siri niwoko na itthusene seiyo isara sa Muluku sinaakhuruwela atthu oohiiwelela.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

Yakobe 4:7

Vanonto mmwiiwelele Muluku. Muhimwiiwelele Diyabu*, ni owo anootthaweni.

1 Pedru 4:1

Moone, woonaka weera Kristu aahaawa mweerutthuni, ontthuneya weera nyuwotho mwiilipihe ni muupuwelo mmoharu owo: Yoowo ohaangwe mweerutthunimwawe, oomaliha soottheka.

Ethupululo 3:10

Woonaka weera nyuwo moothokorora maswaaka aneera muvilele, Miyotho nkoothokororeni wa ehuhu yooweereriwa yeeyo ehanle vakhaani ophiyera elapo ya vathi yootheene, weera eweerere yaawo ankhala vathi.

Ethupululo 6:17

Vano, noophiya nihukunaya ntokotoko na isara, ni taani anaawere ovilela?”