awEfeso 6:10 - Emakhuwa Bible

¹⁰ Vanonto, mwiilipihe mwa Apwiya ni mwa ikurusaya sitokotoko.

awEfeso 6:10 Iomraidhean Croise

1 Nyaha 28:10

Woone, Yave oothanlenle oteka Empaawe mwa yeeyo eniikhale Nipuro Nootteela*. Olipe ni ovare muteko.”

1 Nyaha 28:20

Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

2 Nyaha 15:7

Mene mukhale oolipa ni muhiporore, niwoko munootthuveleliwa mutekwaanyu.”

Icipo 138:3

Miyo kookhuwelenlaakani, Nyuwo mwaakaakhula; mookitatuxa oolipa murima ni oosareya ikuru.

Yesaya 40:28

Weeraka khamusuwenle? Khamwiiwale? Yave ti Muluku Oohimala, Mpattuxa a elapo yootheene. Owo khankhulumuwa naari khantomba, ni khawowo ongwera oringa mirukusawe.

Yesaya 40:31

vaheera yaale animuroromela Yave anoophwanyatho ikurusaya; anoovavela osuluxa ntoko axaaka; anootthimaka woohikhulumuwaru, animweetta woohitomba.

Axewu 2:4

Mene vano, mulipihe murima Zerubabeli,’ onghima Yave. ‘Mulipihe murima, Yoxuwa, mwaana mulopwana a Yehozadaki, mutokweene a asaserdoti*. Mulipihe murima! ootheene nyuwosa a muloko wa mulaponi ni muvare muteko,’ onghima Yave, ‘niwoko Miyo kiri ni nyuwosa,’ onghima Yave a ikuru sootheene.

Zakariya 8:13

Ii! Yuda ni Yixrayeli, mooteene yoowo mwaalaphiwaanyu variyari wa miloko, hiihotho Miyo kinimoovuluxani ni munookhala nreeliho. Muhoove ni mukhale toko oolipeene.’

Zakariya 8:9

Yave a ikuru sootheene oneera ha: ‘Nyuwosa muniiwa masu ala olelo ahimmwale ni maprofeeti yaapaceriwaaya mathipelo a Empa ya Yave a ikuru sootheene, mukhale nyoono wii weera Empa ya Yave etekiwe.

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

2 aKorinto 13:11

Kihipwahereraka axunna, miyo kinoolaxerani. Mwaase wiikwanihera, ni mwiiwe nivekelonaka. Muupuweleke etthu emoharu, mukhaleke ni murettele. Ni Muluku a osivela ni a murettele anaakhale ni nyuwo.

awEfeso 1:19

ni musuweletho ikurusawe sitokotoko soohilikanxereiya wa hiyo ninroromela. Ikuru iyo sootepaxa

awEfeso 3:16

Kimvekela weera mwaha wa mihakhu soovuwaxa, Awo anoolipihani ni ikuru niwoko na Munepa onkhala mmirimanimwanyu,

Deuteronomiyo 31:23

Yave aamvaha Yoxuwa, mwaana mulopwana a Nuni nlamulo nna: “Mukhaleke oolipa ni oominya murima, niwoko nyuwo munoohoolela muloko wa aYixrayeli mweelaponi kaaroromelinghaaka ni nlipelo ni Yoomeene kinookhala ni nyuwo.”

aFilipi 3:1

Wookisera axunnaka, muhakalale mwa Apwiya. Nkinkhulumuwa woolepelani veeli itthu imoharu seiyo, ni seiyo siri itthu soowoolipiherani nyuwo.

aFilipi 4:13

Kingwera soothesene mwa Yoowo onkilipihera.

aFilipi 4:8

Woomalihera axunnaka, mutthare sootheene seiyo siri sa ekhaikhai, sa yoottittimiheya, sa yoororomeleya, sa yootteela, sa yoosiveleya, sa yoophwanelela – aani mwaasaase sootheene sooreera simphwanelela ottottopela.

aKolosi 1:11

Nimvekelatho weera nyuwo muthatuwe oolipa ni ikuru sootheene niwoko na ikuru sa ovuwawawe weera muvilele sootheene ni oweherera ni ohakalala,

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

2 Timootheyo 4:17

Apwiyatho yaari ni miyo ni aakivaha ikuru weera mutthenga olaleiwe nnenesene ni miyo, ni weera amalapo ootheene yiiwe owo. Ni miyo koovuluxiwa mmwaano mwa mwatto.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”

1 Pedru 3:8

Vano, nyuwo ootheene mukhale ni murima mmoharu. Mukhalelaneke murima wooreera, musivelaneke ntoko axunna; mukhale a ikharari ni oowiiyeviha.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

1 Yohaane 2:14

Anamwane miyo kohoolepelani, niwoko mohaasuwela Atiithi. Asitiithi, miyo kohoolepelani, niwoko moomusuwela Yoole ori okhuma ompacereroni mpaka vano. Amiravo, miyo kohoolepelani, niwoko nyuwo muri oolipa, ni Nsu na Muluku ninkhala mwa nyuwo, ni moongwina namatakhala.

1 Samuweli 23:16

Yonatani, mwaana mulopwana a Sawuli, aarowa wa Davide oHorexi amukhaviheraka ophwanya ikuru mwa Muluku.