awEfeso 5:14 - Emakhuwa Bible

¹⁴ niwoko waara ommwaleela itthu sootheene. Tivawo yeeriwaaya: “Muvenye, nyuwo munkona, muvenyerere mookhwaani, ni waara wa Kristu oniwoomwaleeleni.”

awEfeso 5:14 Iomraidhean Croise

Yesaya 26:19

Mene anamakhwaanyu anookhala ni okumi; mittembosaya sinoovenyerera. Nyuwosa munkhala muntthupini, mvenye ni mwiipe ni ohakalala. Nikamenanyu nri ntoko nikame na oxeexelo; elapo ya vathi enimwaayara anamakhwaaya.

Yesaya 51:17

Mvenye! Mvenye. Mweemeleke, oYerusaleemu, nyuwo ngwunre mmatatani mwa Yave ekoomixi ya isarasawe, nyuwo mminre mpaka nttonyo nookisera ekoomixi yaaveveleihale atthu.

Yesaya 52:1

Ii! oSiyoni, mvenye, mvenye, mwiiwarihe ikuru. Ii! oYerusaleemu, esidade yootteela, ngware mikaandyosanyu soovuwaxa. Oohiineliwa ni oohitteela kheevolowatho mmilakoni.

Yesaya 60:1

“Mvenye, mwaare, niwoko waarawanyu wohoorwa ni ovuwa wa Yave onoomwaleelani.

Luuka 1:78

Elevelelo ele ti niwoko na omoreliwa ikharari sa Mulukwaahu. Owo anaanixekure wa osulu ntoko nsuwa nikhumaka

Luuka 15:24

Vano, mwanaka ola aahookhwa ni oovenyerera; aariheya, vano oophwanyeya.’ Hiiho yaapacera ni efesta.

Yohaane 8:12

Uulumakatho ni muloko wa atthu, Yeesu aaheera: “Miyo ti Waara wa elapo ya vathi. Yoowo onkitthara Miyo, kharwa eetta mpiphini, mene onookhalano waara wa okumi.”

Yohaane 9:5

Miyo kireene mweelaponi, ti Waara wa elapo ya vathi.”

Miteko 13:47

Vano, hiiho Apwiya aanilamulela yeeraka: ‘Miyo kohookhalihani waara wa amalapo, weera mukuxe ovuluwa mpaka ekotenle elapo.’”

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

1 aKorinto 15:34

Muupuwelele nnenesene, muhiyerere ottheka, niwoko aakhala akina ahimusuwenle Muluku. Kinghima yeeyo weera kiwuulihiheni muru.

2 aKorinto 4:6

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.

awEfeso 2:1

Nyuwo mwaari ookhweene mwa sootakhalasanyu ni sootthekasanyu,

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

aKolosi 3:1

Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku.

1 aTesalonika 5:6

Tivawo nihikone ntoko akina, mene niipasoope ni nikhale oohula maitho.

2 Timootheyo 1:10

ni nohooniheriwa vaanaano vaava ngwoonihereyani wa Mvuluxaahu Kristu Yeesu. Owo oophwata okhwa ni oowera okumi ni ohikhwa niwoko na masu ooreeraxa.

2 Timootheyo 2:26

weera hiiho yuupuwelele nnenesene ni yoopowe mmuraakhoni wa Diyabu*, aatthunkaaya weera epake otthunawawe.