awEfeso 4:6 - Emakhuwa Bible

⁶ Muluku mmoharu paahi ori Atiithi a ootheene, wa ootheene, ni mwa ootheene.

awEfeso 4:6 Iomraidhean Croise

Epacerero 14:19

Aamureeliha Abraamu ni masu ala: “Ooreelihiwa akhale Abraamu ni Muluku Musulusulu, Yoowo opattunxe erimu ni elapo ya vathi.

Icipo 95:3

niwoko Yave ti Muluku Mutokweene; Mwene Mutokweene opwaha miluku sootheene.

Yesaya 63:16

Wa soothesene, Nyuwo ti Atithihu. Abrahaamu khanisuwenle ni Yixrayeli khanaanoonne; Nyuwo, Yave, ti Atithihu ni okhuma khalayi muniitthaniwa Mvuluxaahu.

Malekiya 2:10

Vano, ootheene hiyo tiithaahu khahiyono mmoharu? Khanipattuxiwe ni Muluku mmoharu? Vanonto heeni ninnanarihaahu wiiraana wa makholowaahu nihiroromelanaka?

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Matheyo 6:9

Vanonto nyuwo muvekeleke ha: ‘Atithihu ari wiirimu, Nsinananyu ntteelihiwe,

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 17:26

Miyo kohaasuweliha Nsinananyu, ni nkipwaherere opaka yeeyo weera osivelawene weiwo mwaakisivenlaanyu, okhale mwa yaawo ni Miyotho kikhale mwa yaawo.”

Yohaane 20:17

Yeesu aamweerela: “Muhikivarele niwoko nlelo nkinaaye waahokoleela Atithaka. Murowe toko wa axunnaka ni mwaaleele weera Miyo kinghokoleela wa Atithaka ni Atithinyu ni wa Mulukwaaka ni Mulukwaanyu.”

aRooma 11:36

Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.

1 aKorinto 12:6

Sookhala soopakiwa soohiyanahiyana, mene ori Muluku mmoharu ongwera sootheene mwa ootheene.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

awEfeso 1:21

vasuluxa wa ibooma, ikuru, owera, olamula wootheene ni nsina nootheene ningwereya oromola, kheehiyono paahi wa ehuhu ela, mene yeeyotho eneera erwe.

awEfeso 2:22

Mwa Yoowo nyuwotho muntekiwa vamoha weera muthatuwe vaate wa Muluku mwa Munepaawe.

awEfeso 3:17

weera Kristu akhale mmurimanimwanyu niwoko na nroromelo. Kimvekelatho weera nyuwo, mureene oothipeliwa ni oolipihiwa moosivelani,

awEfeso 6:23

Murettele okhale ni axunna, ni osivela vamoha ni nroromelo onrweela wa Muluku Atiithi ni wa Apwiya Yeesu Kristu.

Deuteronomiyo 6:4

Mwiiwe aYixrayeli: Yave Mulukwaahu ti Yave Mmoharu.

1 Yohaane 3:24

Yaale aniiwelela malamulowaawe ankhala mwa Yoowo ni Owo mwa yaawo. Hiiho noosuwela weera Owo onkhala mwa hiyo: niwoko na Munepa onivanghaawe.