awEfeso 4:10 - Emakhuwa Bible

¹⁰ Owo aakhurungwe ti Yoowo aawenle osulu erimu yootheene weera asarihe itthu sootheene.

awEfeso 4:10 Iomraidhean Croise

Matheyo 24:34

Miyo kinoororomelihani: ekhapira ela kheerwa emala mpaka sootheene iyo sineeraaya seereiye.

Luuka 24:44

Vano aaweerela: “Ti yeeyo kooleenlaakani kireene nlelo ni nyuwo: ‘Waatthuneya weera sikwaniheriwe sootheene silempwe mwaha wa Miyo mmalamuloni a Moisesi, mmaprofeetini ni mulivuruni ya icipo.’”

Yohaane 1:16

Ootheene hiyo nohaakhela wa soowaattasawe mahala mwa mahala.

Yohaane 19:24

Awo yaaheerelana: “Nihaahule. Nrowe nipake macitta weera nimoone mutthu taani onrowa ovahiwa.” Eyo yeereenle weera ekwaniheriwe yoolempwa eneera: ‘Yaakawana ikuwosaka yaaworu ni yaapakela macitta wa soowarasaka.’ Eyo anakhotto ti yaapanke.

Yohaane 19:28

Vahoolowaya, asuwelaka weera sootheene saamaliheriwa ni weera ekwaniheriwe Yoolempwa*, Yeesu aaheera: “Okivola ntthona.”

Yohaane 19:36

Itthu iye seereenle weera ekwaniheriwe Yoolempwa*: “Khaniwowo naari nikhuvanawe nimoha nneera nintakiwe.”

Miteko 1:11

yaaweerenle: “aGalileiya, heeni nyuwo mungwehexexaanyu wiirimu? Yeesweene Yoowo owelihiwe variyariwanyu wiirimu, anaahokolowe mooteene yoowo ntoko mmoonnaanyu awelaka.”

Miteko 1:9

Amalihaka ohima yeeyo, aawelihiwa osulu awosa engwehaka, ni nihutte nimoha naamukhuneela Yoowo moota wooweera khayaamoonnetho.

Miteko 2:33

Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

Miteko 3:18

Waaritho hiiho Muluku okwanihenraawe yeeyo aahimalaawe khalayi ni iyano sa maprofeeti ootheene, yeeraka weera Kristwaawe eera ahaawe.

2 aKorinto 12:2

Koomusuwela mutthu mmoha mwa Kristu, wa iyaakha muloko niixexe aacopholiwe wa wiirimu wanaararu. Nkisuwenle aari mweerutthuni, naari mmunepani – Muluku onsuwela.

awEfeso 3:19

Aani, kimvekela weera musuwele osivela wa Kristu ompwahaxa osuwela wootheene, weera nyuwo musareiye ni ekwanihero yootheene ya Muluku.

aKolosi 1:19

Vano, aasivelihiwa Muluku weera ekwanihero yootheene ekhale mwa Yoowo,

aKolosi 2:9

Vano, mwa Kristu enkhala ekwanihero yootheene ya omuluku mweerutthuni,

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

aHeberi 4:14

Tivawo, woonaka weera nookhalano Mutokweenexa a asaserdoti* mutokotoko, Yeesu, Mwaana a Muluku ovolongwe wiirimu, nivarexexe ni murima wootheene nroromelo ninlapaahu.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 8:1

Moone, marimbu oottittimiheyaxa hiyo nninghimaahu ti ola: nookhalano Mutokweenexa a asaserdoti*, ntoko Ola, mwa Yoowo okilaathiye wiirimu moono mulopwana wa ehice ya Otokweene,