awEfeso 4:1 - Emakhuwa Bible

¹ Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

awEfeso 4:1 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 5:24

Henoki aaheetta ni Muluku ni aalakaseya vamaithoni wa atthu, niwoko Muluku aamucophola.

Yeremiya 38:20

Yeremiya aahaakhula: “Awosa kheewinnyererani. Mmwiiwelele Yave mpakaka yeeyo kinooleelaakani, weera sootheene siweetteleni nnene ni okumaanyu wuureleye.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

aRooma 11:29

Samahala ni wiitthana wa Muluku ti woohivirikanyiheya.

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

1 aKorinto 4:16

Tivawo kinoodyoonttelelaakani weera mukitakiheke.

2 aKorinto 10:1

Akina aneera weera, miyo kireene ni nyuwo, ‘kinkhala oowiiyeviha,’ mene kireene ottaiwene, ‘kinnoolipiherani.’ Vano, niwoko na murima woomaaleleya ni murima wooreera wa Kristu, miyo, Pawulo, kinoovekelani etthu.

2 aKorinto 5:20

Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku.

2 aKorinto 6:1

Ntoko anamiteko a Muluku, hiyo ninniwoopererani weera muhaakhele siiyo mahala a Muluku.

aGalata 4:12

Kinoodyoonttelelani axunna, mwiikhalihe ntoko miyo, niwoko miyo kohiikhaliha ntoko nyuwo. Kheewowo etthu mukiveihalaanyuno.

awEfeso 2:10

Vano, nri ephattuwelo ya Muluku, epakiwe mwa Kristu Yeesu weera nipake miteko sooreera, mwa seiyo Muluku onirehererenlaawe toko weera hiyo nivareke.

awEfeso 3:1

Mwaha wa yeeyo, miyo Pawulo kiri ootthukiwa a Kristu Yeesu niwoko na woosivelani nyuwo amalapo.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

awEfeso 4:4

Yookhala erutthu emoharu ni ori Munepa mmoharu paahi, mooteene yoowo ntoko nyuwo mwiitthaniwaanyu mwa nroromelo nimoha paahi,

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 3:14

yoomeene kiniilipiherano yeeyo kaahaawelaaka nri ntthuvelo na wiirimu Muluku oniitthanenlaawe mwa Kristu Yeesu.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

aKolosi 2:6

Tivawo hiiho ntoko nyuwo mmwaakhenlaanyu Kristu Yeesu ntoko Apwiya, mpwaherere okhala mwa Yoowo,

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

2 aTesalonika 1:11

Nuupuwelaka yeeyo, ninnavekela woohihiyerera wa nyuwo, weera Muluku oophwaneliheni wiitthaniwawanyu, ni akwanihere ni ikuru soohaawelasanyu sooreera sootheene ni miteko sootheene sa nroromelonanyu.

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

Titu 2:10

sihiwiiyeraka, mene soonihereka weera simphwanela ororomelihiwaxa weera hiiho sivuwihe mwa sootheene nihusiho na Muluku Mvuluxaahu.

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

1 Pedru 2:11

Oosiveleya, kinoowoopererani ntoko anamarwa ni aletto mweelaponi weera mususe sa soohaawela sa erutthu singwana mookuminimwanyu.

1 Pedru 3:9

Muhilive yoonanara ni yoonanara, naari oruwaniwa ni oruwana. Ohiyanawaya, mureelihe, niwoko wa yeeyo nyuwo moothanliwa weera mwaakhele nreeliho.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

2 Pedru 1:3

Itthu sootheene ninghaawelaahu wa okumi ni murima wa omuluku noovahiwa ni ikuru sa Muluku, nimusuwelaka Yoowo oniitthanenle ovuwa ni oreera murima.

2 Yohaane 1:5

Vano, miyo kinimoovekelani nyuwo muhano weera nisivelane mukina ni mukhwaawe. Khoohiyono ntoko kilepaka nlamulo nnyowani, mene nenne nraahuno okhuma ompacereroni.