awEfeso 3:20 - Emakhuwa Bible

²⁰ Wa Yoowo ongwera opaka woopwahaxa yeeyo yootheene hiyo nimvekelaahu, naari nnuupuwelaahu mwaha wa ikurusaya sinnivarela muteko mwa hiyo,

awEfeso 3:20 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 18:4

Kinooruma oroweliwa maahi vakhaani weera murapihe inaawo nitho weera mwiitthuuwe vakhaani vathi wa mwiri ola.

2 Samuweli 7:19

Ohiya toko yeeyo, Yave onlamula sootheene, mohuulumatho sa muhoolo wa ekhapira ya murumeiyaanyu. Ti hiiha Yave onlamula sootheene, mungwerihaanyu atthu?

1 Mamwene 3:13

Ohiya toko yeeyo, kinimoovahani yeeyo muhivekenlaanyu – mihakhu ni epili – weera mookumunimwanyu mukhale oohilikanxereya ni mamwene makina.

2 Nyaha 25:9

Amaziya aamukoha mulopwana a Muluku: “Ankha itonelada* tthaaru iya kaalimvaaka anakhotto ala a oYixrayeli?” Owo aamwaakhula: “Yave onooweratho woovahani soowaata opwaha seiyo.”

2 Nyaha 9:12

Mwene Salomoni aamvaha pwiyamwene a oXeba sootheene aahaawelaawe ni aavekenlaawe; opwaha iye aamuruuhenlaawe. Vano owo ni arumeiyaawe aahokoleela elapwaawe.

Okhuma 34:6

Aavira ohoolo wa Moisesi alaleiyaka: “Yave, Yave – Muluku oopixa murima ni a ikharari, oovilela, oosareya osivela ni ororomeleya,

Ecipo Yooreeraxa 5:1

Koovolowa muttimbenimwaka murokoraka, ootthomeriwaaka; koothukumanyiha emiraaka vamoha ni soosivasiva. Kohooca macerephaaka ni oravowaaka; koowura eviinyuwaaka ni mukakaaka. Muceeke asinthamwene, ii! Oosivelana, ngwureke muntthunelaanyu.

Yesaya 35:2

Sinoottuva ithutu; sinoohakalala vancipale sikhuwelaka ni murima wootteela. Nnoovahiwa ovuwa wa oLibanu ni mpaka waara wa oKaremeli ni oXaroni. Weiwo Yave onimoonihera ovuwawawe ni waara wa Mulukwaahu.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 32:17

Ii! Yave onlamula sootheene, Nyuwo moopaka erimu ni vathi mooweranimwanyu otokotoko ni mwa moonowaanyu woowookowa. Kheewo enoorikani.

Yeremiya 32:27

“Miyo ti Yave, Muluku a omutthu wootheene. Kheewo enkirikela.

Daniyeli 3:17

Hiyo navonyeriwa muniikhoni noovihaxa, Muluku mwa Yoowo nnimulapaahu onoowera onitapuxa ni Owo onoonoopola mmatatanimwanyu, nyuwo amwene.

Daniyeli 6:20

Aakhuveelaawe vanlittini, aamwiitthana Daniyeli ni nsu noothananaxa: “Daniyeli, murumeiyi a Muluku Mukumi, weeraka Mulukwaanyu mwa Yoowo munimurumeelaanyu khula nihuku oowera oowoopolani?”

Matheyo 3:9

Muhuupuwele weera nyuwo munoowera wiixeerela: ‘Nookhalano Abrahaamu ntoko atiithi.’ Vano miyo kinooleelani weera Muluku ongwera otatuxa maluku ala anamwane a Abrahaamu.

Yohaane 10:10

Namwiiya onrweela wiiya, wiiva ni ophwata paahi. Miyo kaarweenle weera atthu ekhalane okumi, aani okumi woowaattaxa.

aRooma 16:25

Ti Muluku ongwera wookhalihani nyuwo munroromeloni niwoko na maswaaka ooreeraxa ni olaleiyawaka wa Yeesu Kristu. Vano, olaleiya wu ti mwaha wa othupulula wa ntikhinelo naavithiwe khalayi.

aRooma 4:21

areene ooviriyeliwa ni murima wootheene weera Muluku aari a ikuru okwanihera yeeyo aaroromelinghaawe.

1 aKorinto 2:9

Wa soothesene, ntoko elempwalaaya: “Itthu niitho nihoonalaaya, ni naaru nihiiwalaaya, ni ohuupuwenlaawe mutthu, ti seiyo Muluku aarehererenlaawe yaawo animusivela.”

2 aKorinto 9:8

Vano, Muluku ongwera owaandyeererani mahala ootheene, weera mwa itthu sootheene ni mwa ehuhu yootheene, mukhalanaka sootthuneya sootheene, nyuwo mukhale oowaatta mmutekoni wooreera wootheene.

awEfeso 1:19

ni musuweletho ikurusawe sitokotoko soohilikanxereiya wa hiyo ninroromela. Ikuru iyo sootepaxa

awEfeso 3:7

Koothatuwa murumeiyi a masu ooreeraxa ala niwoko na mahala a Muluku kivahiwaaka, ni owera wa ikurusawe.

aKolosi 1:29

Wa yeeyo miyo kimvara muteko kiwanaka ni ikuru sootheene simvara muteko mwa miyo.

1 Timootheyo 1:14

Wa soothesene, mahala a Apwiyaahu kooriheliwa miyo moota woowaatta, vamoha ni nroromelo ni osivela ori mwa Kristu Yeesu.

aHeberi 11:19

Abrahaamu uupuwenle weera Muluku ti ongwera waavenyereriha akhwiiye ni, moota mukina, aamwaakhela Isaaki mookhwaani.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

Yakobe 4:12

Ookhala Namalamula ni Mphuki mmoharu paahi: Yoole ongwera ovuluxa ni onanariha. Mene nyuwo taani oomuthoriha mukhwiinyu?

2 Pedru 1:11

Hiiho nyuwo mmwaakheliwe nnenesene mwaavolowaka moomweneni woohimala wa Apwiyaahu ni Mvuluxaahu Yeesu Kristu.

Yuda 1:24

Wa Yoole ongwera owooceelihani wuuwa ni owooniherani vahoolo wa ovuwawawe woohikhala nlepa ni moohakalalani otokotoko,