awEfeso 3:17 - Emakhuwa Bible

¹⁷ weera Kristu akhale mmurimanimwanyu niwoko na nroromelo. Kimvekelatho weera nyuwo, mureene oothipeliwa ni oolipihiwa moosivelani,

awEfeso 3:17 Iomraidhean Croise

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Matheyo 13:6

Naakhumalaaya nsuwa, mmiso ole waamenle waahoosa ni waahuuma niwoko khawaarino mikwankhwaari.

Luuka 6:48

Owo onlikana mulopwana atekaka empa, aathipa woowiixa ni aapaka mathipelo vamwala. Siwaaka mirupi, mooloko waakusakula empa, khawaawenretho ottikinya empa ele, niwoko yaalipa.

Yohaane 14:17

eyo tiiyo Munepa wa ekhaikhai. Amalapo khaangwera waakhela niwoko khaanoona, hata khaansuwela. Vaheera nyuwo moosuwela, niwoko Owo onkhala ni nyuwo ni onuukhale mwa nyuwo.

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

Yohaane 17:23

Miyo mwa yaawo ni Nyuwo mwa Miyo. Kimvekela weera omoharuwaaya okhale wookwanela weera amalapo esuwele weera Nyuwo mwaakirumiha ni mwaahaasivela, hiiho ntoko mwaakisivenlaanyu.

Yohaane 6:56

Ootheene ankhuura erutthwaaka ni angwura ephomaaka, ankhala mwa Miyo ni Miyotho mwa yaawo.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

1 aKorinto 3:6

Miyo kaaphatteiya, Apolo aahelela, mene ti Muluku unnuwihale,

1 aKorinto 8:1

Mwaha wa yooca yootteeliheriwa miluku soowootha, noosuwela weera ootheene hiyo nookhalano esuwelo. Vano, esuwelo enruuha wiixoona, mene osivela ompuhiha nnene.

2 aKorinto 13:5

Mmwiwehawehe nnenesene weera moone nyuwo mwaari munroromeloni. Mooneke asineenaanyu! Khamusuwenle weera Kristu Yeesu ori mwa nyuwo, ohikhanle weera apaale khamwaakhuleliwe?

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

aKolosi 1:27

Wa yaale Muluku aalakela waasuweliha variyari wa amalapo mihakhu soovuwa sa ntikhinelo nna, nri Kristu mwa nyuwo, oweherera wa ovuwa.

aKolosi 2:7

muthipeliweene ni mupuhihiweene nnenesene mwa Yoowo, mulipihiweene munroromeloni, ntoko muxuttihiwaanyu, mwaattaka mootthapelani.

1 Yohaane 4:16

Hiiho noosuwela osivela Muluku oraaweno wa hiyo ni ninroromela mwa osivelawene weiwo. Muluku ti osivela. Khula mutthu onkhala moosivelani, onkhalatho mwa Muluku ni Muluku mwa yoowo.

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

Ethupululo 3:20

Moone, Miyo koheemela vamulako ni kineera: “Hoodi!” Akhala mukina oniiwa nsunaka ni onghula nsele, kinoovolowa ni kinimooca vamoha ni yoowo, ni owo ni Miyo.