awEfeso 2:2 - Emakhuwa Bible

² mwa seiyo mweettelaanyu, muttharihaka mukhalelo wa elapo ya vathi ela, aani mwaamuttharaanyu mutokweene a ikuru sa opheyoni, munepa owo omvara muteko vaanaano mwa yaawo ankhala ni ettiyamaaru.

awEfeso 2:2 Iomraidhean Croise

Yobi 1:16

Nlelo owo uulumaka, aaphiya namutthenga mukina aneera: “Mooro wa Muluku woomora wiirimu, onahisa woomalela ikhondoolo ni arumeiyi. Ti miyo paahi koopongwe weera koothalihereni.”

Yobi 1:19

wootutuxereya yaaphiya epheyo etokotoko yaarweela onikareni, enamana malootho maxexe a empa, enaakurumuwela. Awosa ahookhwa ni ti miyo paahi koopongwe weera koothalihereni!”

Yobi 1:7

Yave aamukoha Satana: “Munrweela woowi?” Satana aamwaakhula Yave: “Orukureera mulaponi kiviraviraka mwemmo.”

Yobi 31:7

malipaaka yaahapungweene, murimaaka weettihingweene ni maithwaaka, hoye hoye matataaka yaavalihingweene,

Icipo 17:14

Ii! Yave! Mukivuluxe mwa atthu ale; atthu a elapo ya vathi, mwa yaawosa nttuvelonaya nri mookumini ola. Nyuwo munaavoniha oosiveleyaanyu. Anamwanaaya asilopwana aavonaxa, yaahiyeraka anamwanaaya singhalahala.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yesaya 57:4

Nyuwosa munaatthebwa taani? Munaanyemula taani? Mungwoonihera taani nlumi? Nyuwosa muri nakupa a anamapuhera, ekhapira ya anamootha.

Yeremiya 23:10

Elapo yoosareya anamararuwa; niwoko na nlapho elapo eri yoowuumelela ni moocihamo mwa munikareni woonyaala. Maprofeeti antthara ephiro yoonanara evarelaka muteko ikurusaya moota woohiroromeleya.

Hoxeya 10:9

“Ii! oYixrayeli, okhuma mmahukuni a Gibeya nyuwo mwannattheka, ni mumpwaherera hiiho. Ekhotto yaahaaphwanya atakhali oGibeiya.

Levitiku 11:16

nikhakanttore, namame, haamaama, ikhalelo sootheene sa ahaamaama,

Matheyo 11:19

Aahoowa Mwaana a mutthu acaaka ni awuraka, ni atthu aneera: ‘Ori vawo Namaca ni Namawura, Nthamwene a anamaliviha a musoko ni namattheka.’ Miruku sinaakhuleliwa ni mitekosaya.”

Matheyo 13:22

Mwaha wa mmiso ole waaliwe vanyiiwani, owo ti mutthu yoole oniiwa masu, mene weeteteiya wa okumi ola ni olokottha wa opuha onimvuvura omutatuxaka oohiima.

Matheyo 13:38

Ematta ti elapo ya vathi, ni mmiso wooreera ti anamwane a omwene. Nakhwali ti anamwane a mutakhali.

Marku 4:19

mene saaphiyaka sooweeteteela sa okumi ola ni olokottha wa opuha ni ohaawela itthu sikina, sinoovuvura masu, etatuxaka ale oohiima.

Luuka 16:8

Apwiya yaamuulumela nnene mwaha wa namawehaweha oolokottha niwoko na mirukusawe sa mweelaponi. Vano, anamwane a elapo ya vathi ammweetta nakoso mukina ni mukhwaawe ekhalanaka miruku sooratta waapwaha anamwane a waara.

Luuka 22:31

Simeyoni, Simeyoni, Satana onnavekelaxa weera ooveereni ntoko etrigu,

Yohaane 12:31

Yoophiya ehuhu ya nthorihelo na elapo ya vathi ela. Vano mutokweene a elapo ya vathi anoomoliwe.

Yohaane 13:2

Yeera ereene vameesa ecaaka, ni Diyabu* aamusesera Yudasi Iskariyoti, mwaana a Simeyoni weera amvarihe Yeesu.

Yohaane 13:27

Acaakaru Yudasi epaawu, Satana aavolowa mmurimanimwawe. Vanonto Yeesu aamweerela: “Etthu muntthunaanyu opaka, mpake woowaakuveya.”

Yohaane 14:30

Miyo nkinooleelani vancipale niwoko mutokweene a elapo ya vathi aneera arwaaka. Owo khanono ikuru ni Miyo.

Yohaane 15:19

Mwaari a amalapo, awo saano yoosivenleeneni ntoko awaya. Wa soothesene, khamuhiyono a amalapo, mene Miyo kohoothanlani koovenxakani wa amalapo. Tivawo amalapo anoothanyaayani.

Yohaane 16:11

ni wa nthorihelo niwoko mutokweene a elapo ya vathi ela oothorihiwa.

Yohaane 7:7

Amalapo khaangwera woothanyani, mene anookithanya Miyo, niwoko kinookhalela onamoona weera yeeyo ampakaaya ti yoonanara.

Yohaane 8:23

Vano Owo aapwaherera wuuluma: “Nyuwo muri a vathi; Miyo kiri a wiirimu. Nyuwo muri a elapo ya vathi; Miyo nkihiyono a elapo ya vathi.

Yohaane 8:44

Nyuwo ti anamwane a Diyabu* ni muntthuna opaka ohaawelawawe. Owo aari namwiiva okhuma ompacereroni, ahittharaka ekhaikhai niwoko kheewowo ekhaikhai mwa yoowo. Owo oothaka, onuuluma nuulumonawe muneenaawe niwoko ti namootha ni ori atiithi a wootha.

Miteko 19:35

Namalepa a esidade ahaamaaliha atthu ancipale ni aaweerela: “Atthu a wEfeso, ootheene ansuwela weera esidade ya wEfeso ti namathokorora a empa ya Artemide mutokweene ni a yoocaambulaaya yaamonre wiirimu.

Miteko 5:3

Pedru aamukoha: “Ananiya, heeni Satana osareiyaawe mmurimanimwanyu weera mulokotthe Munepa Wootteela, mwiithokororelaka mpatta wa musurukhu mwaakhenlaanyu wa ematta?

aRooma 12:2

Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela.

1 aKorinto 5:10

Wa yeeyo, nkinaahima alavilavi, naari anamilili, naari anamwiiya, naari anamalapela miluku sikina a mweelaponi ela. Kaahima yaawo, waatthuneya nyuwo otthawa elapo ya vathi ela.

1 aKorinto 6:11

Hiiho yaari akina a nyuwo. Mene nyuwo moorapihiwa, mootteelihiwa, mohaakhuleliwa ni Muluku mwa Nsina na Apwiya Yeesu Kristu ni mwa Munepa wa Mulukwaahu.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

aGalata 1:4

yinnyerenre okumaaya wa sootthekasahu weera enoopole hiyo wa ehuhu ela yoonanara. Yaapaka yeeyo niwoko na otthuna wa Muluku Atithihu.

awEfeso 1:21

vasuluxa wa ibooma, ikuru, owera, olamula wootheene ni nsina nootheene ningwereya oromola, kheehiyono paahi wa ehuhu ela, mene yeeyotho eneera erwe.

awEfeso 2:11

Tivawo, muupuweleke weera khalayeene mwaari amalapo a eyareliwaanyu, ni mwiitthaniwa ‘oohiineliwa’ ni yaawo aniixiitthana ‘oowiineliwa,’ etthu epakiwe mweerutthuni ni matata a atthu.

awEfeso 2:13

Vanonto, mwa Kristu Yeesu nyuwo khalayeene mwaari ottaiwene, mohaattamiheriwa niwoko na ephome ya Kristu.

awEfeso 2:3

Khalayeene hiyo ootheene naakhalatho variyari wa yaawo, nimaalihaka sootthuna sa erutthwaahu, nittharaka soohaawelasaya ni soowuupuwelasaya. Ntoko ootheene akina, naaritho wa eyareliwaahu oophwanela isara.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

awEfeso 4:22

Vano, mwaha wa mweettelo wa khalayi, nyuwo mwaaxuttihiwa weera mwiirule wa mutthu a khalayi, oniinanariha ni soohaawela soolokottha,

awEfeso 5:6

Ahikhale anoolokottheni ni masu a siiyo. Siri niwoko na itthusene seiyo isara sa Muluku sinaakhuruwela atthu oohiiwelela.

awEfeso 5:8

Vano, khalayeene mwaari epiphi, mene vano muri waara mwa Apwiya. Mweetteke ntoko anamwane a waara,

awEfeso 6:12

niwoko owanawahu khoohiyono ni erutthu, naari ephome, mene ni ikuru ni asitokweene a mmunepani, ni malamulelo a elapo ya vathi ela ya mpiphini, aani owanawahu ori ni minepa soonanara sa wiirimu.

aKolosi 1:21

Khalayi nyuwo mwaamwalamwala ni Muluku, ni mmuupuwelonimwanyu mwaari amwiittana niwoko na mweettelowaanyu woonanara.

2 Timootheyo 4:10

niwoko Dema ookihiya miyo, asivelaka elapo ya vathi, ni aarowa oTesalonika. Kresente okenle oGalata, ni Titu okenle oDalmasiya.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.

Yakobe 1:7

Mulopwana owo ahuupuwele weera anaakhele etthu wa Apwiya,

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

1 Pedru 1:14

Ntoko anamwane oowiiwelela, muhitthareke soohaawela soonanara sa khalayi mwaaraanyu oohisuwela.

1 Pedru 4:3

Vano ehuhu evinre, yoovira ehuhu yincipale nyuwo mpakaka yeeyo enaasiveliha amalapo, mweettaka moolavilavini, moohaawelani soonanara, moowurani, ngwiipeliwani, moowuraxani, ni moolapani miluku sikina soothanyeya.

2 Pedru 2:14

Maithwaaya esareiyeene ni oraruwa, awo khanghiyerera ottheka. Anaalokottha atthu oohilipa, ni mirimasaya siri soosareya milili. Ari anamwane a olapha!

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.

1 Yohaane 3:8

Yoole oneetta mootthekani ori a Diyabu*, niwoko Diyabu* oottheka okhuma ompacereroni. Vano, Mwaana a Muluku aarweenle weera aphwate miteko sa Diyabu*.

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

1 Yohaane 5:4

Yoowo oyariwe wa Muluku ongwina elapo ya vathi, ni owina ophwannyaawe elapo ya vathi ti wu: nroromelonahu.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:14

Niwoko na ineneero yaatthuniheriwaaya opaka mwa nsina na enama yoopacera, eyo yaahaalokottha atthu a elapo ya vathi. Yaahaalamulela opaka ecaambulo ya enama yoopacera weera ettittimihe enama ele yaavulalihiwe ni ekatana, nitho yaalamihiwe.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 16:17

Ndyelo anaathanneeli aarihela musulu ekoomixaawe, ni wa Empa ya Muluku naakhuma nsu ntokotoko naarweela vahiceni, neeraka: “Yoopakiwa.”

Ethupululo 20:2

Owo aatthuka edrakoni*, enowa ya khalayi eri Diyabu*, Satana, ni aamutthuka iyaakha macira muloko.