awEfeso 2:18 - Emakhuwa Bible

¹⁸ Vano, niwoko na Yoowo, ooweeli hiyo nookhalano evolowelo wa Atiithi mwa Munepa mmoharu.

awEfeso 2:18 Iomraidhean Croise

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Yohaane 10:7

Vano Yeesu aahima veeli: “Kinooleelani ekhaikhai: Miyo ti mulako wa ikhondoolo.

Yohaane 10:9

Miyo ti mulako. Yoowo omvolowa wa Miyo anaavuluxiwe. Anaavolowe, anaakhume ni anaaphwanye sooca.

Yohaane 14:6

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

aRooma 5:2

Mwa Yoowo noophwanya ovolowa wa mahala ala niwoko na nroromelo, mahaleene yaale mwa yaawo hiyo nri oolipeene. Hiyo ninnahakalala moowehererani wa ovuwa wa Muluku.

aRooma 8:15

Nyuwo khamwaakhenle munepa wa okaporo weera moove veeli, mene mohaakhela Munepa onookhalihani ntoko anamwane. Vano, hiyo ninkhuwela ni Munepa Owo: “Aba,” entaphulela “Tiithi.”

1 aKorinto 12:13

Ootheene hiyo noopatisiwa mwa Munepa mmoharu nipakaka erutthu emoha – hata aYuda, hata aGrego, hata ipottha, hata maneethi. Ni wa ootheene hiyo noovahiwa owura wa Munepa mmoharu.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

aGalata 4:6

Hapo muri anamwane a Muluku, Owo aaruma Munepa Wootteela wa Mwanawe wa mirimasanyu, mwa Yoowo oneera: ‘Aba, Tiithi!’

awEfeso 3:12

Niwoko na omuroromelawahu Kristu, ninoowera omwaattamela Muluku ni murima woolipa ni oneethi.

awEfeso 3:14

Tivawo kinnakokhorela ohoolo wa Atiithi,

awEfeso 4:4

Yookhala erutthu emoharu ni ori Munepa mmoharu paahi, mooteene yoowo ntoko nyuwo mwiitthaniwaanyu mwa nroromelo nimoha paahi,

awEfeso 6:18

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

aKolosi 1:12

mwaatthapelaka Atiithi yoophwanelingheni waakhela okumi woohimala vamoha ni ootteela moomweneni wa waara.

aHeberi 7:19

woonaka weera malamulo ale khayaawenre yookwanela. Woovoleihiwa wa hiyo oweherera woopwahaxa, mwa yoowo hiyo nimmwaattamelaahuno Muluku.

Yakobe 3:9

Ni nno ninaatthapela Apwiya ni Atiithi, nitho ninaalapha atthu oopattuxiwa ni ekhalelo ya Muluku.

1 Pedru 1:17

Woonaka weera mungwiitthana Atiithi Yaawo anthoriha ehikhalaka nthalu miteko sa mutthu ti mutthu, mweetteke ni woova ehuhu ya mukwahaanyu wa vathi.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

Yuda 1:20

Wa soothesene, nyuwo, oosiveleya, mupwaherereke wunnuwa munroromelonimwanyu nootteelaxa, mvekelaka mwa Munepa Wootteela.