awEfeso 2:16 - Emakhuwa Bible

¹⁶ ni wiiraanyiha miloko miili iye ni Muluku mwa erutthu emoha. Eyo owenre niwoko na muttanda, mwa yoowo Owo oophwata wiittana iwe.

awEfeso 2:16 Iomraidhean Croise

aRooma 5:10

Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

aRooma 6:6

Vano, noosuwela weera mutthwaahu a khalayi oothomeiwa ni Yoowo, weera erutthu ya yoottheka ephwatiwe, ni weera nihikhaletho ipottha sa yoottheka,

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

aRooma 8:7

Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo.

1 aKorinto 10:17

Woonaka weera eri epaawu emoharu, hiyo nri ancipale nri erutthu emoha, niwoko hiyo ootheene ninca epaawu emoharu yeeyo.

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

awEfeso 2:15

ananarihaka mweerutthunimwawe malamulo a soonyesereriwa ni ikano. Otthunawawe waari owera mwa Yoowo mwaneenaawe wa miloko miili mutthu munyowani mmoha, apakaka murettele,

awEfeso 3:6

Ntikhinelo ti nna: niwoko na masu ooreeraxa, amalapo anoowera waakhela yoohiyeriwa* vamoha ni aYixrayeli. Amalapo aritho mipatta sa erutthweene yeeyo, ni mwa Kristu Yeesu aakhalano yoororomelihiweene yeeyo ntoko aYixrayeli.

awEfeso 4:4

Yookhala erutthu emoharu ni ori Munepa mmoharu paahi, mooteene yoowo ntoko nyuwo mwiitthaniwaanyu mwa nroromelo nimoha paahi,

aKolosi 2:14

ni aamaliha ekaratta ya sookopasahu ni soonyesereriwasaya, mwa seiyo saanoothenre hiyo niwoko na nlamulo. Owo aavenxa ekaratta ele, akhomelaka vamuttandani,

aKolosi 3:15

Murettele wa Kristu okhale mphuki mmirimanimwanyu, woonaka weera nyuwo mwiitthaniwe weera mukhale mmuretteleni ntoko mipatta sa erutthu emoha paahi. Ni mutthapeliwe.