aRooma 9:4 - Emakhuwa Bible

⁴ muloko wa oYixrayeli. Waakhuleliwa ntoko anamwane ti wawaya; ovuwa wa wiirimu ti wawaya. Soowiiraanyiha, waakhuleliwa wa nlamulo, olapa Mpaani mwa Muluku, ni soororomelihiwa – sootheene siri sawaya.

aRooma 9:4 Iomraidhean Croise

Epacerero 15:18

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Epacerero 17:10

Wu ti wiiraanyihawaka ni nyuwo ni ekhapiraanyu, wiiraana ontthuneya othokororiwa: asilopwana ootheene yiineliweke.

Epacerero 17:2

Miyo kinookhaliha wiiraana variyariwahu ni nkaandyeerere ekhapiraanyu moota woowaattaxa.”

Epacerero 17:7

Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

1 Mamwene 8:11

moota wooweera asaserdoti* khayaawenre okwanihera mitekosaya niwoko na nihutte weenre ovuwa wa Yave wasareya Mpaanimwawe.

Nehemiya 13:29

Ii! Mulukwaaka, muhaattiwalase, niwoko aananariha muteko wa esaseredoti ni wiiraana wa esaserdoti ni wa aLeevi.

Icipo 147:19

Ommoonihera Nsunawe Yakobe; malamulowaawe ni ikanosawe wa Yixrayeli.

Icipo 63:2

Koowoonani vaNipuroni Nootteela*, kiwehawehaka ikurusanyu ni ovuwawanyu.

Icipo 73:1

Vekhaikhai Muluku ti ooreera murima wa oYixrayeli ni wa yaale ari ootteela murima.

Icipo 78:61

Aawinnyerera Arka* a ikurusawe mootthukiwani; ovuwawawe mmatatani mwa amwiittana.

Icipo 89:3

Mweenre: “Koopaka wiiraana ni oothanliwaaka; koomuroromeliha murumeiyaaka Davide ni nlipelo:

Icipo 89:34

Nkivirikanyiha wiiraanawaka hata nkinceendya soororomeliha sa iyanosaka.

Icipo 90:16

Mitekosanyu soonihereye vamaithoni wa arumeiyaanyu ni waarawanyu wa anamwanaaya.

Okhuma 12:25

Mwaavolowaka mweelaponi Yave ororomelinghaawe woovahani, muupuwelele efesta ela.

Okhuma 34:27

Vano Yave aamweerela Moisesi: “Mulepe masu ala, niwoko ni yaala kimpaka wiiraana ni nyuwo ni aYixrayeli ootheene.”

Okhuma 4:22

Vahoolowaya mwamuleele Farawu*: ‘Yave eenre ha: ‘Yixrayeli ti ntthaaranaka

Okhuma 40:34

Vano nihutte naakhuneela Eheema ya Muthukumano* ni ovuwa wa Yave waasareya mutabernaakuluni.

Yesaya 41:8

“Wa soothesene, nyuwo, Yixrayeli, murumeiyaaka, Yakobe kimuthanlalaaka, nyuwosa ekhapira ya Abrahaamu, nthamwenaaka,

Yesaya 46:3

“Mukiiwe, ekhapira ya Yakobe, ootheene nyuwo muhalahanle a ekhapira ya Yixrayeli – nyuwosa Miyo kookhavihenraakani okhuma oyariwawanyu ni kookunxaakani okhuma enamwanaanyu.

Yesaya 5:2

Owo aapatthula, anavenxa maluku ootheene, anaphatteya iwuuva* sooreerelaxa. Aateka etoore* ya namalipelela, anatekatho nipuro sinaameliwa iwuuva*. Vano aaweherera ohepha iwuuva* sooreeraxa, vaheera ematta yaaruwenre soonyuunya paahi.

Yesaya 60:19

Nsuwa khanikhalatho waarawanyu wa othana naari mweeri moohiyuni, niwoko Yave onookhala waarawanyu woohimala ni Mulukwaanyu onookhala ovuwawanyu.

Yeremiya 31:20

Khahiyono Efrayimi oosiveleyaaka? Mwaana kinimutthunaxaaka? Imaara sootheene Miyo kinuulumaaka sa Efrayimi, kimmuupuwelelaxa yoowo. Tivawo, kinimuhelaxaaka vamurimani; kinimmorelaaka ikharari,” onghima Yave.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Yeremiya 31:9

Anoohokolowa yiinlaka, mene Miyo kinooweettiha keerelaka waapepesa. Miyo kinooweettiha kaaronghaka mmanyoolokoni kaavirihaka mphironi moothatawala, niwoko kiri Tiithi a aYixrayeli ni Efrayimi ti mwanaka a ntthaara.

Ezekiyeli 1:28

Mooteene yoowo saakhalaaya nyoota sa nyuura mmahutteni vanihukuni na epula, hiihotho ovuwaxa waamurukureera Yoowo. Ti moota ola koonnaaka ekhalelo ya ovuwaxa wa Yave. Woowoona sootheene iyo, kaamora ni wiipopheya, kiniiwa nsu na mukina akuulumanaka.

Hoxeya 11:1

“Yixrayeli aaraawe mmiravo, Miyo kaamusivela, ni wExipitu kaamwiitthana mwanaka.

Nuumeru 7:89

Moisesi aavolowaawe Muheemani ya Muthukumano* weera uulume ni Yave, anniiwa nsu naamuulumano eriyari ya akerubini* eeli, vasulu wa yookhuneelano ya Arka* a wiiraana. Vanonto, Yave uulumaawemo ni yoowo.

Matheyo 21:33

Mwiiwe yoolikanyiha ekina. Aakhala mwaneene aaphatteiye ematta ya iwuuva*. Aapaka mukuso arukureerihaka ematta ele. Aapakatho nipuro noovotta iwuuva* ni aateka nipuro na anamalipelela. Vano aawooliha ematta ele anamalima akina ni aarowa mukwahaawe.

Yohaane 1:17

Vano, nlamulo nivahiwe ni Moisesi, mahala ni ekhakhai erwiiye ni Yeesu Kristu.

Yohaane 1:47

Amoonaka Nataneyeli akhuveelaka, Yeesu aaheera: “Mmoone – muYixrayeli a ekhakhai ni oohilokottheya.”

Miteko 2:39

Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

aRooma 3:2

Vancipale, mwa mikhalelo sootheene. Woopacera niwoko masu a Muluku yaaroromeliwa wa aYuda.

aRooma 8:15

Nyuwo khamwaakhenle munepa wa okaporo weera moove veeli, mene mohaakhela Munepa onookhalihani ntoko anamwane. Vano, hiyo ninkhuwela ni Munepa Owo: “Aba,” entaphulela “Tiithi.”

aRooma 9:6

Nihuupuwele weera masu a Muluku yaakusanyiheya. Khaahiyono anamwane ootheene a oYixrayeli weera ti vekhaikhai muloko wa oYixrayeli.

2 aKorinto 11:22

Awo ari aHeberi? Miyotho! Ari aYixrayeli? Miyotho! Ari anamwane a Abrahaamu? Miyotho!

aGalata 3:16

Hiihotho ni soororomelihiwa saapakeliwe Abrahaamu ni ekhapiraawe. Yoolempwa* kheeneera: ‘ni wa ikhapirasawe’ ntoko ancipale, mene ‘wa ekhapiraawe,’ weera enoonihere weera enuuluma sa mutthu mmoha paahi, eyo tiiyo Kristu.

awEfeso 2:12

Muupuweleketho weera ehuhuweene yeele khamwaakhanleno Kristu, mmwalamwalihiweene ni muloko wa aYixrayeli, mureene anamarwa mwaha wa wiiraana wa yoororomelihiwa, khamwaakhanlenotho oweherera etthu, naari Muluku mweelaponimu.

Deuteronomiyo 14:1

Nyuwosa ti anamwane a Yave Mulukwaanyu. Muhipophe naari muhicemelane niwoko na anamakhwa.

Deuteronomiyo 29:1

Ti seiya sootthuneya sa wiiraana Yave aamulamulenlaawe Moisesi waapakela aYixrayeli oMowabe ohiya wiiraana aapakenlaawe oHorebi.

Deuteronomiyo 29:14

Wiiraana wu ni nlipelo nkinoopakelani nyuwo paahi,

Deuteronomiyo 31:16

Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.

Deuteronomiyo 4:13

Aahooxuttihasani wiiraanawawe eyo tiiyo Malamulo Muloko. Aalepa vatthaabwani piili sa maluku, anoolamulelasani weettela.

Deuteronomiyo 7:6

Nyuwosa ti muloko wootteeliheriwa Yave Mulukwaanyu. Owo ohoothanlani nyuwosa variyari wa miloko sootheene sa elapo ya vathi weera mukhale mulokwaawe wootthuneyaxa.

aHeberi 9:1

Moone, wiiraanyiha woopacera waakhalano malamulo a olapa nitho etabernaakulu* ya vathi.

aHeberi 9:10

woonaka weera saapwatthela paahi sooca, soowura, miteko soohiyanahiyana sa orapiha ni maahi, malamulo oomokoni soolamuliwa paahi, mpaka ehuhu ya wiiraana onyowani.

aHeberi 9:3

Wiithela wa ekuwo etokotoko yanaaveeli yaari ekwartu yanaaveeli, yiitthaniwa nootteela na ootteela*,

aHeberi 9:5

Vasulu wa Arka* yaari akerubini* a ovuwa, mwa yaawo yaakhuneela ettiyelo ya Arka* ni erunguwaaya. Mwaha wa itthusene seiye khaninrowa othaliha ni masu mancipale vaanaano vaava.

aHeberi 9:6

Sireene hiiho sootheene soorehereriwasene, asaserdoti* yannavolowa imaara sincipale mukwartuni yoopacera ya etabernaakulu* weera ekwanihere mitekosaya.