aRooma 9:17 - Emakhuwa Bible

¹⁷ Vano Yoolempwa* eneera sa Farawu*: “Miyo kooweemexa niwoko na nthowa nna paahi: weera kiwoonihere mwa weyo ikurusaka, ni weera Nsinanaka nilaleiwe elapo yootheene.”

aRooma 9:17 Iomraidhean Croise

Exteri 4:14

Nyuwo mwaahuuluma mweehuhuni ntoko ela, ekhavihero ni otapuxeya wa aYuda onuurweele mpatta mukina, mene nyuwo ni emusi ya atithinyu munimookhwa. Onoowereya weera mvarelingwe opwiyamwene niwoko na ehuhu ntoko ela.”

Icipo 76:10

Mpaka isara munaakhalelaanyu atthu sinimooruuhelani ottottopela ni eniihalahale musaranimwanyu anoohiiheya.

Okhuma 9:16

Mene Miyo koowuurelani mpaka vaanaanova keerelaka owooniherani ikurusaka ni weera Nsinanaka nilaleiwe mweelaponi yootheene.

Masu a Miruku 16:4

Yave ompakela sootheene mwa yeeyo onuupuwelelaawe; mpaka atakhali wa nihuku na nttaruxo.

Yesaya 19:12

Vano anamirukwaanyu ari woowi? Awosa ewoonihereni ni yoosuweliheni yeeyo Yave a ikuru sootheene omvaanelelaawe wExipitu.

Yesaya 37:20

Vano Yave Mulukwaahu, munitapuxe mmatatanimwawe weera omwene wootheene wa elapo ya vathi osuwele weera Nyuwo, Yave, ti Muluku.”

Daniyeli 4:22

vano nyuwo, mwene, ti mwiri mutokweene owo! Moothatuwa mutokweene ni oolipaxa; otokweenaanyu wohunnuwa mpaka woophiya wiirimu ni olamulawanyu ompwaherera mpaka ilapo sa ottai sa elapo ya vathi.

Yohaane 17:26

Miyo kohaasuweliha Nsinananyu, ni nkipwaherere opaka yeeyo weera osivelawene weiwo mwaakisivenlaanyu, okhale mwa yaawo ni Miyotho kikhale mwa yaawo.”

aRooma 11:4

Vano, yaari yoowaakhula heeni ya wiirimu? “Kohiisungera atthu macira miloko mathannameeli ahimulampe Bahali*.”

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

aGalata 3:8

Yoolempwa* ya khalayi, yoonaka ehinaaye weera Muluku onoowaakhulela amalapo niwoko na nroromelonaya mwa Kristu, yaalaleiya toko wa Abrahaamu masu ooreeraxa: “Niwoko na nyuwo miloko sootheene nsireelihiwe.”

aGalata 4:30

Yoolempwa* enghima eheeni? “Moomole epottha ni mwanaya niwoko mwaana a epottha kharwa aakhela vamoha ni mwaana a neethi.”

Yoxuwa 9:9

Awosa yaamwaakhula: “Arumeiyaanyu angweela elapo ya ottai niwoko na epili ya Yave Mulukwaanyu. Naahiiwa ihaali sa sootheene aapankaawe wExipitu

1 Samuweli 4:8

Ii! Nnoohaawa! Taani anaanitapuxe mmatatani mwa miluku sooweraxa iyo? Ti milukusene seiye saahoonxe awExipitu ni mahooxo oohiyanahiyana munikareni.