aRooma 8:34 - Emakhuwa Bible

³⁴ Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

aRooma 8:34 Iomraidhean Croise

Yobi 33:24

ni Muluku amoonihera murima wooreera amweerelaka: ‘Mmuurele okhuruwela mulittini, niwoko koophwanya moota woomoopola,’

Yobi 34:29

Vaheera Owo apwaherera omaala, taani anaamuthorihe? Iipithiha ekhove, taani eniiwere omoona? Vanonto, Owo onaalamula atthu ni miloko moota mmohamoharu yoowo,

Icipo 109:31

Vano Owo ti Namwaakiha a mutthu oohaawa weera amvuluxe mwa yaale animuthoriha.

Icipo 37:33

Vaheera Yave khanimuhiya mukurunimwawe hata khantthunihera weera oonaniwe nthowa omulattuni.

Yesaya 50:8

Yoole onkaakiha ori vakhiviru. Taani anaawere okoothera? Nrowe, nikumane. Namootheeraaka taani? Owo akoothereke!

Yesaya 53:12

Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.

Yeremiya 50:20

Mmahukuni awo ni mweehuhuni eyo,” onghima Yave, “sinimwaasaasiwa sootakhala sa oYixrayeli, mene khasiphwanyiwaru; mwa soottheka sa oYuda, mene khasiphwanyiwaru, niwoko kinimwaalevelela ahalahanle kineeraaka kiwuurele.

Nuumeru 7:15

mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Marku 16:19

Emalihakaru wuuluma ni yaawo, Apwiya Yeesu yaawelihiwa wiirimu, ni yaakilaathi moono mulopwana wa Muluku.

Yohaane 14:19

Vahoolo vakhaani amalapo kheerwa ekoonatho; vano nyuwo mmwikoone. Keenre Miyo kikhalaka ni okumi, nyuwotho mmwikhale ni okumi.

Yohaane 16:23

Nihuku nenenenno, nyuwo khamurwa mukikohatho naari etthu. Miyo kinoororomelihani weera Atithaka eniyoovaheeni sootheene muneeraanyu muvekele mwa Nsinanaka.

Miteko 2:24

Vaheera Muluku oomuvenyereriha mookhwaani, amutaphulaka wa ovoreiya wa okhwa, niwoko khawaawereya weera okhwa omvare.

aRooma 14:13

Tivawo, nihiyeke othorihana mukina ni mukhwaawe. Mulakele toko weera muhiikaathi nluku nookwattula, naari etthu enooceeliha mphironi ya munninyu.

aRooma 14:9

Ti niwoko nna Kristu aakhwenlaawe ni aavenyerenraawe: weera akhale Apwiya a akumi ni akhwiiye.

aRooma 4:25

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

aRooma 8:1

Tivawo, khaniwowo nttaruxo wa yaawo ari mwa Kristu Yeesu.

aRooma 8:27

Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.

aKolosi 3:1

Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

aHeberi 9:24

Vano, Kristu khaavolongwe vaNipuroni Nootteela* noopakiwa ni atthu, etakiho emoha ya yeele ya ekhakhai. Owo aavolowa wiirimu oneenexa, weera iixoonihere vamaithoni wa Muluku niwoko na hiyo.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Pedru 3:22

owenle wiirimu ni, ori moono mulopwana wa Muluku, weiwo andyelo, elamulelo ni ikuru sootheene simmwiiwelelaaya Yoowo.

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.