aRooma 8:31 - Emakhuwa Bible

³¹ Nneereke hai sa itthusene seiya? Muluku aari ni hiyo, taani aniittane ni hiyo?

aRooma 8:31 Iomraidhean Croise

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

1 Mamwene 8:57

Yave Mulukwaahu akhaleke ni hiyo ntoko aaraawe ni makholowaahu; Owo ahinihiye naari ahinithaame.

2 Mamwene 6:16

Elixa aamwaakhula: “Ohoove. Yaale ari ni hiyo ti yaantte waapwaha yaawo.”

1 Nyaha 19:15

awAmoni yoonaka weera awArami yaamutthawa Yowabe, awosa yaamutthawatho munneiye Abixayi, enavolowasa musidadeni. Vahoolowaya, Yowabe aahokoleela oYerusaleemu.

1 Nyaha 5:22

Hiiho, yaahookhwa amwiittana ancipale niwoko ekhotto ele yaari ya Muluku. Awosa yaahaakamela elapo ele mpaka ehuhu yooronghiwa wootthukiwani elapo ekina.

Icipo 118:6

Yave ori ni miyo; nkoova – atthu khaangwera okipaka etthu.

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Icipo 46:7

Yave a ikuru sootheene ori ni hiyo; Muluku a Yakobe ti nipuronahu noolipaxa. Sela*

Icipo 56:11

kinimuroromela Muluku. Nkoova – anaakipakeleni mutthu onkhwa?

Icipo 56:4

Mwa Muluku, mwa Yoowo maswaawe kintthapelaaka, mwa Muluku Owo kinnimuroromela ni nkoova. Anaakipakeleni mutthu onkhwa?

Icipo 56:9

Miyo kaamvekelaka ekhavihero Muluku, amwiittanaaka anoohokolowa. Hiiho kinoosuwela weera Muluku ori ni miyo.

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yesaya 54:17

Khawoworu kapwitthi mpakeliwaanyu woonanarihani anaaweereeni etthu ni nyuwo munoomuvaanya khula anawoothereni. Eyo ti yoohiyeriwa wa arumeiyi a Yave, ni wu ti waakiha kimpakelaaka mwaha wa yaawo,” onghima Yave.

Yesaya 8:10

Naari nyuwosa mpakaka miruku, iyo sinoopupurumiheya; naari mvaanelaka, khasiweettelani nnene, niwoko Muluku ori ni hiyo.

Yeremiya 1:19

Awosa animoowananani, mene khayoowinani, niwoko Miyo kiri ni nyuwo ni kinoowoopolani,” onghima Yave.

Yeremiya 20:11

Vaheera Yave ori ni miyo ntoko nakhotto ooweraxa; tivawo yaawo ankisoonda eneeraaya ekwattuliwe, ehiwinaka. Awosa animuulihiheya muru woomalela; overuliwawaya khoottiwaliwa.

Yeremiya 42:11

Muhimoove mwene a oBabiloniya, mwa yoowo mummoovaanyu vano. Muhimoove, onghima Yave, niwoko kiri ni nyuwosa ni kinimoovuluxani ni kinimootapuxani mmatatanimwawe.

Nuumeru 14:9

Muhimvaanye Yave. Muhoove muloko wa mulaponi, niwoko hiyo nnoottukuttula. Okhapeleleyawaya woomala, mene Yave ori ni hiyo. Muhiwoovase!”

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

aRooma 3:5

Vano, soohitteelasahu sooniheraka moota wa nnenesene ekhaikhai ya Muluku, nneere hai? Weeraka Muluku ti oohireera woonihela isarasawe? Kinuuluma moota wa omutthu.

aRooma 4:1

Vanonto, nneere hai sa nikholonahu Abrahaamu? Yaamweereenle eheeni owo?

Deuteronomiyo 33:29

Ooreelihiwa ti nyuwo, muloko wa aYixrayeli! Khaawo oreeringwe ntoko nyuwo; Yave ti oovulunxeni. Owo ti yoowiixaakiheraanyu ni Ekatanaanyu yoowina! Amwiittanaanyu animookokhorelani, mene nyuwo mmwaanyikalele.”

Yoxuwa 10:42

Owo aahaawina mamwene ootheene ale vamoha ni ilaposaya ekwaha emoharu yeeyo, niwoko Yave, Muluku a aYixrayeli, aahaawanela aYixrayeli.

1 Yohaane 4:4

Anamwane, nyuwo muri a Muluku ni mohaawina yaawo, niwoko Yoowo ori mwa nyuwo ti woopwahaxa munepa ori mweelaponi.

1 Samuweli 14:6

Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”