aRooma 8:22 - Emakhuwa Bible

²² Noosuwela weera soopattuxiwa sootheene sinniipulela mpaka vaanaanova ntoko sireene moovoreiyani wa oyara.

aRooma 8:22 Iomraidhean Croise

Icipo 48:6

Othukumela waahaaphwanyawo; yaavoreiwa ntoko muthiyana ahaleelaka oyara.

Yeremiya 12:11

Eyo aapaka elapo yoophwatiwa, yoowuumelela ni yoothaamiwa vamaithoniwaka; elapo yootheene yoophwatiwa, mene khawowo ompwatthela.

Yeremiya 12:4

Mpaka yaakhani elapo yiinanelaka ni malaxi a ntuphini enyaalaka? Axinama ni ipalame aaphwatiwa niwoko amaki a elapo aasareya otakhala. Ohiya toko yeeyo – atthu aneera: “Owo khoona ommaleloniwahu.”

Levitiku 26:35

Ehuhu yootheene eneera ehale yoothaamiweene, elapo enookhalano wiitthuuwa wa iSaabadu ehitonkwaaya wiitthuuwa nyuwosa mukhalakamo.

Marku 16:15

Aaweerela: “Murowe mweelaponi yootheene ni mwaalaleere atthu ootheene masu ooreeraxa.

Yohaane 16:21

Muthiyana aayaraka, onimoona ovoreiya niwoko ehuhuwaawe yoophiya, mene mwanawe ayariwa, owo onoottiwala ohaawa niwoko na ohakalala wa oyariwa mwaana mweelaponi ya vathi.

aRooma 8:20

Vano soopattuxiwa saapakiwe sa siiyo, khasihiyono niwoko na othanlawaya, mene niwoko na otthuna wa Muluku iikaathiyemo

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

Ethupululo 12:2

Owo aarupala ni aakhuwela ni ovoreiya, niwoko aahanle vakhaani oyara.