aRooma 8:19 - Emakhuwa Bible

¹⁹ Soopattuxiwa sinnaweherera ni ohaawelaxa weera anamwane a Muluku ethupululiwe.

aRooma 8:19 Iomraidhean Croise

Yesaya 65:17

“Moone, kinoopattuxa irimu ni ilapo sinyowani. Itthu sa khalayi khasuupuweleliwa hata khasikhalatho mmuupuweloni.

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Matheyo 5:9

Ooreelihiwa ti yaale ampaka murettele variyari wa atthu, niwoko eniyiitthaniwe anamwane a Muluku.

Yohaane 1:12

Wa soothesene, wa yaale yaamwaakhenle, yaale anroromela mwa Nsinanawe, ohaavaha owera othatuwa anamwane a Muluku;

Miteko 3:21

Ontthuneya weera Owo akhale wiirimu, mpaka ophiya ehuhu Muluku aneeraawe areherere itthu sootheene, ntoko aahimalaawe khalayi ni iyano sa maprofeeti ootteela.

aRooma 8:14

Ootheene yaawo aneettihiwa ni Munepa wa Muluku ari anamwane a Muluku.

aRooma 8:16

Munepeene Yoowo onnakhalela onamoona mwa munepaahu weera nri anamwane a Muluku.

aRooma 8:18

Kinoona weera soohaawaxasahu sa vaanaanova khasingwereya olikanxiwa ni ovuwa oneera othupululiwe mwa hiyo.

aRooma 8:23

Ni khasihiyono paahi seiyo, mene hiyo asineenaahu nookhalano soowiima soopacera sa Munepa, nniipulela mpuwamwahu, niwehereraka ni murima wootheene waakhulelawahu ntoko anamwane ni ovuluxiwa wa erutthwaahu.

aRooma 9:26

Ni: “Nipuro naahimmwalaaya: ‘Nyuwo khamuhiyono mulokwaaka,’ vaavaawo nyuwo mmwiitthaniwe ‘anamwane a Muluku mukumi.’”

1 aKorinto 1:7

moota wooweera ehoohaleeleni naari vakhaani yamahala ya Munepa nyuwo muwehereraka weera Apwiyaahu Yeesu Kristu ethupululiwe.

1 aKorinto 1:8

Owo anoolipiheni mpaka ommaleloni, moota wooweera nyuwo mukhale oohootheriwa vanihukuni na Apwiyaahu Yeesu Kristu.

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

aGalata 3:26

Nyuwo ootheene muri anamwane a Muluku niwoko na nroromelo mwa Kristu Yeesu.

aFilipi 1:20

Kingweherera ni murima wootheene ni kinroromela weera nkirwa kuuliwa muru ni yakhalaru etthu. Ohiyanawaya, kinroromela weera ntoko ehuhu yootheene, hiiho vaanaano vaava Kristu anunnuwihiwe mweerutthunimwaka: okhalaka mookumini, hoye hoye mookhwaani,

aKolosi 3:4

Kristu ori okumaanyu ooniheriwaka, vano nyuwotho mmooniheriwe ni Yoowo moovuwani.

aHeberi 12:27

Masu “emaara emohatho” anthoonyera ovenxiwa wa seiye singwereya oteterexiwa, eyo tiiyo itthu sipattuxiwe, moota wooweera sihale seiyo sihingwereya oteterexiwa.

1 Pedru 1:13

Tivawo, mukhale oolikana mwa soowuupuwelasanyu. Muwehaweheke ni muweherere mahala muneeraanyu mvahiwe Yeesu Kristu ooniheriwaka.

1 Pedru 1:7

weera noonihereye nroromelonanyu nri na ekhaikhai. Mpaka eyuuma yoorikaxa engwereya ophwateya enimweereriwa ni mooro. Ontthuneya weera mpaka nroromelonanyu, nri nootthuneyaxa noopwaha eyuuma yoorikaxa, neereriwe mpaka ottottopela, ovuwa ni nttittimiho Yeesu Kristu ooniheriwaka.

1 Yohaane 3:1

Moone moota wa osivela aTiithi anisivenlaayano, mpaka niitthaniwaahu anamwane a Muluku! Ni nri anamwanaawe vekhaikhai. Tivawo amalapo ahinisuwenlaaya, niwoko khayaamusuwenle Muluku.

1 Yohaane 3:2

Oosiveleya, vano nri anamwane a Muluku, ni nlelo khayoonihereiye yeeyo nneeraahu nikhale, mene noosuwela weera Owo iixooniheraka, nnikhale oolikana ni Yoowo, niwoko nnimoone moota okhanlaawe.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.