aRooma 7:7 - Emakhuwa Bible

⁷ Nneereke hai? Nlamulo ti yoottheka? Hata vakhaani! Mwa yeeyo, miyo nkaasuwela ti heeni yoottheka, ohikhanle niwoko na nlamulo. Vekhaikhai, miyo nkaasuwela ti heeni ohaawela woonanara, nlamulo nahaahimale: “muhihaawele yoonanara.”

aRooma 7:7 Iomraidhean Croise

Epacerero 3:6

Oonakaru muthiyana weera mwiri ole waalikana woosiva wa nlumi, woohaaweleya wa maitho ni, ohiya toko yeeyo, woomvorenghela murima weera aphwanye miruku, aarukula yoowiima ya mwiri ole, anaca, anamvaha iyawe ni owotho aahooca.

2 Samuweli 11:2

Oxekuwa omoha Davide aavenya vakaamani, aneetteetta vataratoni ya empa ya mwene. Areene hiihaale vataratoni, aamoona muthiyana ooreeraxa arapaka.

Icipo 119:96

Kohoona weera itthu sootheene sookhalano mwiinanowaaya, vaheera malamulowaanyu khaanono.

Okhuma 20:17

Muhiinlele vaate wa mukhwiinyu. Muhimwiinlele mwaara a mukhwiinyu, naari epottha elopwana hoye hoye ethiyana, naari emombaawe, hata buurwaawe, naari sakhalaru itthu sikina sa mukhwiinyu.

Mikeyasi 2:2

Anghaawela ittima, enaakha; anghaawela impa, enakuxa. Animulokotthela mukina empaawe; aani, mwaattamanaawe ni yoohiyeriwaawe.

Matheyo 5:28

mene Miyo kinooleelani: akhalaru mutthu oningwehexexa muthiyana amuhaawelaka, ooraruwano mmurimanimwawe.

Luuka 12:15

Vano aaweerela: “Mwiipasoope! Musembe wakhalaru moota wa wiinlela mihakhu, niwoko okumi wa mutthu ti woopwahaxa sooreelasawe.”

Luuka 20:16

Anaawe awiive anamalima ale, ni anaavahe akina ematta ya iwuuva*.” Wiiwaka yeeyo, muloko wa atthu waaheera: “Ela kheeneereye!”

Miteko 20:33

Nkaahaawela iyuuma soorikaxa, naari ikuwo sa mutthu mmoha.

aRooma 13:9

Vano, malamulo ala: “muhiraruwe, muhiive, muhiiye, muhiinlele itthu sa mukhwiinyu” ni malamulo ootheene makina, athukumanyiwe munlamuloni mu: “mmusivele mukhwiinyu ntoko muniisivelaanyu mwaneenaanyu.”

aRooma 3:20

Tivawo khaawo anaakheleliwe ni Muluku niwoko na wiiwelela nlamulo, weenre okhalaka mwaha wa nlamulo hiyo noosuwela nnenesene soottheka.

aRooma 3:5

Vano, soohitteelasahu sooniheraka moota wa nnenesene ekhaikhai ya Muluku, nneere hai? Weeraka Muluku ti oohireera woonihela isarasawe? Kinuuluma moota wa omutthu.

aRooma 4:1

Vanonto, nneere hai sa nikholonahu Abrahaamu? Yaamweereenle eheeni owo?

aRooma 4:15

Nlamulo ninruwera isara, ni weiwo nihikhanlaayawo nlamulo, khoowowo otakhaliwa.

aRooma 5:20

Nlamulo nivaheriwe weera yoottheka yaandyeerereye. Weiwotho yaattiyaayawo yoottheka, ahaattatho mahala,

aRooma 6:15

Vano, nnittheke niwoko khanikhanle vathi wa nlamulo, mene wa mahala? Hata vakhaani!

aRooma 7:11

Yoottheka, evarelaka muteko ehuhu evahiwe ni nlamulo, yookilokottha ni yookiiva niwoko na nlamulo.

aRooma 7:13

Ni vano, yeeyo eri yooreera yoothatuwa okhwa wa miyo? Hata vakhaani! Yootthekatho yooruwera okhwa mwa miyo niwoko na yeeyo yaari yooreera, weera yoonihere weera eri yoottheka moota wooweera niwoko na nlamulo, yoottheka yoothatuwa yoolipaxa opwaha khalayi.

aRooma 7:5

Vano, naalamuliwaahu ni mukhalelo wa erutthu, soohaawela sootthekiha saakhumme munlamuloni saavara muteko mweerutthunimwahu, weera siime soowiima sa okhwa.

aRooma 7:8

Yootthekatho, evarelaka muteko ehuhu evahiwe ni nlamulo, yookiruwerela soohaawela soohiyanahiyana sootheene soonanara. Vano, nihikhanle nlamulo, yoottheka yohookhwa.

1 aKorinto 15:56

Mpuule wa okhwa ti yoottheka ni nlamulo ti ikuru sa yoottheka.

awEfeso 5:3

Variyariwanyu ohikhale hata wuuluma wa oraruwa, hata wa mukhalelo mukina wa ohitteela, naari wa wiinlela mihakhu, niwoko itthu iya khasintthuneya wa ootteela.

Deuteronomiyo 5:21

Muhimwiinlele mwaara a mukhwiinyu. Muhiinlele vaate wa mukhwiinyu, hoye hoye emattaawe naari epottha elopwana hoye hoye ethiyana, naari emombaawe, hata buurwaawe, naari yakhalaru yawawe.

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

1 aTesalonika 4:5

khoohiyono ni soohaawela soonanara ntoko amalapo ahimusuwenle Muluku.

aHeberi 7:19

woonaka weera malamulo ale khayaawenre yookwanela. Woovoleihiwa wa hiyo oweherera woopwahaxa, mwa yoowo hiyo nimmwaattamelaahuno Muluku.

Yoxuwa 7:21

Kaahoona variyari wa soohuhula mukaandyo wooreeraxa wa oBabiloniya, ixekeli* macira meeli sa eparatha* ni mpatta wa eyuuma yoorikaxa, olemelawaya ixekeli* miloko mithanu. Saakivoreihela murima, kinakuxa. Sivithiwe vathi wa eheemaaka, eparatha* ereene vathiwaya.”