aRooma 7:5 - Emakhuwa Bible

⁵ Vano, naalamuliwaahu ni mukhalelo wa erutthu, soohaawela sootthekiha saakhumme munlamuloni saavara muteko mweerutthunimwahu, weera siime soowiima sa okhwa.

aRooma 7:5 Iomraidhean Croise

Matheyo 15:19

Vano, wa mmurimani sinkhumelelaaya soowuupuwela soonanara, wiiva, oraruwa, olavilavi, wiiya, wootha ni waapa.

Yohaane 3:6

Yaawo angyariwa wa erutthu ti a mweerutthuni, ni yaawo angyariwa wa Munepa ti a mmunepani.

aRooma 1:26

Tivawo Muluku aavaherenraawe soohaawela soowuuliha muru. Mpaka axaaraya yaahaakakhanyiha okona ni alopwana, ekonaka ni asithiyana akhwaaya, ehiyaka ikhalelosaya ntoko athiyana.

aRooma 3:20

Tivawo khaawo anaakheleliwe ni Muluku niwoko na wiiwelela nlamulo, weenre okhalaka mwaha wa nlamulo hiyo noosuwela nnenesene soottheka.

aRooma 4:15

Nlamulo ninruwera isara, ni weiwo nihikhanlaayawo nlamulo, khoowowo otakhaliwa.

aRooma 5:20

Nlamulo nivaheriwe weera yoottheka yaandyeerereye. Weiwotho yaattiyaayawo yoottheka, ahaattatho mahala,

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

aRooma 6:19

Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

aRooma 7:23

mene kinoona nlamulo nikina nivaraka muteko mwa mmweettelonimwaka, niwanaka ni nlamulo na soowuupuwelasaka, nikitatuxaka ootthukiwa a nlamulo na yoottheka nimvara muteko mmweettelonimwaka.

1 aKorinto 15:56

Mpuule wa okhwa ti yoottheka ni nlamulo ti ikuru sa yoottheka.

2 aKorinto 10:3

Naamwi nikhalaka ntoko atthu, khaningwana mweekhaleloni ya omutthu.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

aGalata 5:24

Yaale ari a Kristu Yeesu aathomeya soohaawela ni soowiinlela sa erutthu.

awEfeso 2:11

Tivawo, muupuweleke weera khalayeene mwaari amalapo a eyareliwaanyu, ni mwiitthaniwa ‘oohiineliwa’ ni yaawo aniixiitthana ‘oowiineliwa,’ etthu epakiwe mweerutthuni ni matata a atthu.

awEfeso 2:3

Khalayeene hiyo ootheene naakhalatho variyari wa yaawo, nimaalihaka sootthuna sa erutthwaahu, nittharaka soohaawelasaya ni soowuupuwelasaya. Ntoko ootheene akina, naaritho wa eyareliwaahu oophwanela isara.

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

Titu 3:3

Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

Yakobe 1:15

Vano, soohaawela iyo sarupala, singyara soottheka; ni soottheka siitthwa, singyara okhwa.

Yakobe 4:1

Sinrweela woowi ikhotto ni onyakulihana ori variyariwanyu? Khasinrweela wa soohaawela singwanawana mweerutthunimwanyu?

1 Yohaane 3:4

Ootheene anttheka, khaaniiwelela nlamulo. Vekhaikhai, yoottheka eri ohiiwelela nlamulo.