aRooma 7:11 - Emakhuwa Bible

¹¹ Yoottheka, evarelaka muteko ehuhu evahiwe ni nlamulo, yookilokottha ni yookiiva niwoko na nlamulo.

aRooma 7:11 Iomraidhean Croise

Epacerero 3:13

Yave Muluku aamukoha muthiyana: “Eheeni nyuwo mpankaanyu?” Vano muthiyana aamwaakhula: “Enowa yookilokottha ni miyo kohooca.”

Yesaya 44:20

Owo onca ettuura; murima woolokhottheya onimuhapuxa; khangwera wiivuluxa naari weera: “Etthu ela muntatanimwaka noolopwana ti yoowootha.”

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

Yeremiya 49:16

Woova muntannyaanyu ni wiixoona wa mirimasanyu wohoolokotthani, nyuwo munkhala mmakhukuni, munaakamela osuluxa wa mattumuxa. Naari nyuwo mpakaka epuurwaanyu osuluxa ntoko xaaka, kinimoomoroxaniwo,” onghima Yave.

Obadiya 1:3

Wiixoonawanyu wohoolokotthani, nyuwo munkhala mmakhukuni a nyala ni munteka wookhalawanyu vasulu wa mwaako mwiixeerelaka: ‘Khaawo anaakimoroxe.’

aRooma 3:20

Tivawo khaawo anaakheleliwe ni Muluku niwoko na wiiwelela nlamulo, weenre okhalaka mwaha wa nlamulo hiyo noosuwela nnenesene soottheka.

aRooma 7:13

Ni vano, yeeyo eri yooreera yoothatuwa okhwa wa miyo? Hata vakhaani! Yootthekatho yooruwera okhwa mwa miyo niwoko na yeeyo yaari yooreera, weera yoonihere weera eri yoottheka moota wooweera niwoko na nlamulo, yoottheka yoothatuwa yoolipaxa opwaha khalayi.

aRooma 7:8

Yootthekatho, evarelaka muteko ehuhu evahiwe ni nlamulo, yookiruwerela soohaawela soohiyanahiyana sootheene soonanara. Vano, nihikhanle nlamulo, yoottheka yohookhwa.

awEfeso 4:22

Vano, mwaha wa mweettelo wa khalayi, nyuwo mwaaxuttihiwa weera mwiirule wa mutthu a khalayi, oniinanariha ni soohaawela soolokottha,

aHeberi 3:13

Ohiyanawaya, mulipihaneke mirima mahuku ootheene mukina ni mukhwaawe, nireene nlelo nihuku nniitthaniwa “olelo,” weera hata mmoha a nyuwo ahuumihiwe murima ni olokottha wa yoottheka.

Yakobe 1:22

Mweetteleke masu, khoohiyono wiiwaru paahi, mwiilokotthaka mwaneenaanyu.

Yakobe 1:26

Akhala mukina onuupuwela weera kiri mulipa a ediini, mene ahiwehawehaka nluminawe, oniilokottha mwaneenaawe. Ediinaawe eri ya siiyo!