aRooma 6:17 - Emakhuwa Bible

¹⁷ Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

aRooma 6:17 Iomraidhean Croise

Ezera 7:27

Yave, Muluku a makholowaahu atthapeliwe, mwa Yoowo aamviriyenle mwene weera attittimihe moota ola Empa ya Yave oYerusaleemu.

Icipo 18:44

Awosa yakiiwaru, animwiiwelela khuluwi; anamarwa ankittittimihaxa ni woova.

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 28:15

Axunna a weiwe yaahiiwa yeeriwaka weera neera niphiyaka, ni yaahoowa ekhumaka mpaka omerekadu wa Apiyo ni mpaka Impa Tthaaru sa Aletto weera enikumanane. Awoonaka yaawo Pawulo, aamutthapela Muluku ni aakhala ni murima woolipa.

aRooma 1:5

Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele.

aRooma 1:8

Woopacerani, kinnamuttottopela Mulukwaaka mwa Yeesu Kristu niwoko na nyuwo ootheene, seenre mweelaponi moothemwene suulummwaka sa nroromelonanyu.

aRooma 15:18

Nkinuuluma masu makina, ohikhanle othalihera yeeyo Kristu owenraawe aweettihaka amalapo omwiiwelela Muluku niwoko na maswaaka ni mutekwaaka.

aRooma 16:26

Mene vano ntikhinelo nna nohooniheriwa niwoko na Soolempwa sa maprofeeti ni mwa malamulo a Muluku oohimala, weera miloko soothesene simuroromele Yoowo ni simwiiwelele.

aRooma 2:8

Nsikhaletho isara ni ottaruxiwa wa yaawo ari oowiipwattha asineenaaya paahi, yaawo ankhootta ekhaikhai ni antthara soonanara.

1 aKorinto 1:4

Miyo kinnamvaha asantte wa Mulukwaaka mahuku ootheene niwoko na nyuwo, mwaha wa mahala muvahiwaanyu ni Muluku mwa Kristu Yeesu.

1 aKorinto 14:6

Vano axunnaka, miyo kawa wooxekurani ni kuulumawo ni muulumo makina, eheeni kineeraaka koovareleni? Fataari weera miyo kooleeleni yoothupulula emoha, hoye hoye yoosuwela emoha, naari yoothalihera otthuna wa Muluku emoha, naari nihusiho nimoha.

2 aKorinto 2:14

Vano atthapeliwe Muluku, Yoowo onneettiha moowinani mwa Kristu, ni onnivarela muteko hiyo omwaramwaxa wunkhela wa osuwelawawe mmapuroni mootheene.

awEfeso 1:16

nkinghiya omtthapela Muluku niwoko na nyuwo, kiwuupuwelelakani mmavekelonimwaka.

1 aTesalonika 3:9

Nnimutthapele Muluku moota heeni woowaatta niwoko na nyuwo, ni na ohakalala wootheene nirinaahu vahoolowawe mwaha wa nyuwo?

2 aTesalonika 1:3

Axunna, ontthuneya omutthapela Muluku mahuku ootheene niwoko na nyuwo, ni eyo yoophwaneleya, niwoko nroromelonanyu ninnunnuwa khula nihuku, nitho osivelawanyu murinaanyu mukina ni mukhwaawe.

2 Timootheyo 1:13

Opwaherere ni nroromelo ni osivela mwa Kristu Yeesu, ottharaka ekhalelo ya nihusiho nooreera, mwa nenno weyo okiiwalaawo.

Filemone 1:4

Mahuku ootheene kinnamutthapela Mulukwaaka, kiwuupuwelakani nyuwo mmavekelonimwaka,

aHeberi 11:8

Munroromeloni Abrahaamu, iitthaniweene, aahiiwelela ni aarowa vanipuroni, mwa nenno vahoolowaya eeraawe aakhele ntoko nawawe, aari mweeraru ahisuwenle aarowaawewo.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

1 Pedru 1:22

Vano, mutteelihiweene okumaanyu wa wiiwelela wa ekhaikhai weera mwaasivele ni ekhaikhai axunna, mwaasivele vancipale mukina ni mukhwaawe ni murima wootteela.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Pedru 3:1

Mooteene yoowo, axaara, ngiiweleleke asiiyinyu. Hiiho, hata ekhalaka akina a yaawo oohiroromela mutthenga wa Muluku, anoowiniwa wa nroromelo niwoko na mweettelowaanyu. Khoontthuneya weera nyuwo muulume,

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?

2 Yohaane 1:4

Koohakalala vancipale woowaaphwanya akina a anamwaniinyu, yeettaka mwa ekhaikhai, ntoko nlamulo naakhenlaahu wa Atiithi.

3 Yohaane 1:3

Koohakalala vancipale woowaakhela anamaxekura axunna akina yuulumale mwaha wa ororomeleyawanyu, ni moota nyuwo mumpwahereraanyu mweettakaweettaka mwa ekhaikhai.