aRooma 6:16 - Emakhuwa Bible

¹⁶ Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku?

aRooma 6:16 Iomraidhean Croise

Epacerero 4:7

Mwapaka yeeyo eri yooreera, munimwaakhuleliwa. Mwaahipaka yeeyo eri yooreera, vano yoottheka yoohiireherera wootuphelani vamulako. Eyo enghaawela woowinani, mene ontthuneya weera nyuwo muhiihiyerere ni yeeyo.

Matheyo 20:4

Aaweerela: ‘Murowetho, mwavare muteko mmattamwaka ya iwuuva*, ni miyo kinimoolivani yeeyo eri yootthuneya.’

Matheyo 6:24

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Yohaane 8:34

Yeesu aawaakhula: “Miyo kinooleelani ekhaikhai: khula mutthu onkhala atthekaka ti epottha ya yoottheka.

aRooma 11:2

Muluku khaakhoontte mulokwaawe Owo khalayi aasuwenlaawe. Apaale nyuwo khamusuwenle moota Eliya omukhuwelenlaawe Muluku niwoko na Yixrayeli ntoko Yoolempwa yeenraaya:

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 6:17

Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

1 aKorinto 3:16

Nyuwo khamusuwenle weera muri Empa ya Muluku, ni weera Munepa wa Muluku onkhala mwa nyuwo?

1 aKorinto 5:6

Wiixoonawanyu khoohiyono wooreera. Khamusuwenle weera eferementu vakhaani ennyarula ephepa eri yootheene?

1 aKorinto 6:2

Khamusuwenle weera ootteela eniithorihe elapo? Mwathoriha elapo, muhingwera hai wuuluma milattu soottittimiheya vakhaani?

1 aKorinto 6:3

Khamusuwenle weera nnaathorihe andyelo? Ankhatho itthu iye sa okumi ola!

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

1 aKorinto 9:13

Khamusuwenle weera yaawo anrumeela Mpaani mwa Muluku anca itthu sa Empa ya Muluku, ni yaawo anrumeela valtaarini* anca mpatta yoowo amvahiwaaya valtaarini*?

1 aKorinto 9:24

Khamusuwenle weera ori mmoha paahi wa yaawo antthimaka mumpikisaanoni anaakhele ntthuvelo? Mutthimake mooteene yoowo weera muwine ntthuvelo.

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

2 Pedru 2:19

Yaaroromelihaka akina oneethi, awo asineenaaya ari ipottha sa otakhala, niwoko mutthu ori epottha ya yeeyo enimulamula.