aRooma 6:13 - Emakhuwa Bible

¹³ Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

aRooma 6:13 Iomraidhean Croise

2 Nyaha 30:8

Vanonto, muhikhale attiyamaaru ntoko makholowaanyu; mwiixinnyerere wa Yave. Murwaase vaNipuroni Nootteela* Owo otteelihalaawe wa mahuku ootheene. Munrumeele Yave, Mulukwaanyu, weera mooro wa isarasawe woohuluweni.

Icipo 37:30

Eyano ya mulopwana oororomeleya enghima sa miruku, nluminawe nnuuluma ekhaikhai.

Masu a Miruku 12:18

Aakhala masu amvulaliha ntoko ekatana, vaheera nlumi na asuweli ninruuha olama.

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Ezekiyeli 18:4

Vano akumi ootheene ti awaka, okhuma tiithi mpaka mwaana – ooweeli ti awaka. Yoowo anaattheke ti aneera akhwe.

Daniyeli 3:28

Vano Nebukadenezari aaheera: “Muluku a Xadraki, Mixaki ni Abedneku attottopeliwe, mwa Yoowo omurumihale ndyelowaawe, anaavuluxa arumeiyaawe! Awosa aamuroromela Yoowo ehipwatthaka nlamulo na mwene ni yaalikana oleva okumaaya ohiya okokhorela naari olapa miluku sikina ahikhanle Mulukwaaya.

Luuka 15:24

Vano, mwanaka ola aahookhwa ni oovenyerera; aariheya, vano oophwanyeya.’ Hiiho yaapacera ni efesta.

Luuka 15:32

Ontthuneyatho weera hiyo nimutthapeleke ni nimuhakalaleleke, niwoko munneiyo ole aahookhwa ni oovenyerera; aariheya ni vano oophwanyeya.’”

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

aRooma 1:29

Yaasareya mikhalelo sootheene sa soohookowa, otakhala, milili ni onarara. Aasareya nrima, wiiva, ohiiwanana, olokottha, ni murima woonanara. Ari anamwaapanana,

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 6:11

Mooteene yoowo, mwiixuupuwelele weera mukhwiiyeene wa yoottheka, mene munoomukhalela Muluku mwa Kristu Yeesu.

aRooma 6:16

Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku?

aRooma 6:19

Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

aRooma 7:23

mene kinoona nlamulo nikina nivaraka muteko mwa mmweettelonimwaka, niwanaka ni nlamulo na soowuupuwelasaka, nikitatuxaka ootthukiwa a nlamulo na yoottheka nimvara muteko mmweettelonimwaka.

aRooma 7:5

Vano, naalamuliwaahu ni mukhalelo wa erutthu, soohaawela sootthekiha saakhumme munlamuloni saavara muteko mweerutthunimwahu, weera siime soowiima sa okhwa.

1 aKorinto 6:15

Nyuwo khamusuwenle weera irutthusanyu siri mipatta sa erutthu ya Kristu? Vano, miyo nkikuxe mipatta sa Kristu weera kipake mipatta sa mapuuta? Hata vakhaani!

1 aKorinto 6:20

Nyuwo moothummwa ni mutteengo. Tivawo, mumvuwihe Muluku ni erutthwaanyu.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

2 aKorinto 10:4

Wa ikapwitthi hiyo ningwananaahu, khasihiyono sa omutthu, ohiyanawaya, siri sa ikuru mwa Muluku weera siphwate mmapuroni oolipaxa a amwiittana.

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

2 aKorinto 5:15

Owo aakhwenle ootheene, weera yaawo ankhala ni okumi ehikhale wa asineenaaya, mene wa Yoole aakhwenle yaawo ni ovenyerenre.

2 aKorinto 8:5

Ni khayaapanke paahi yeeyo naaweherenraahu, mene yaahiixinnyerera toko wa Apwiya, ni vahoolowaya wa hiyotho ntoko Muluku ontthunaawe.

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

awEfeso 5:14

niwoko waara ommwaleela itthu sootheene. Tivawo yeeriwaaya: “Muvenye, nyuwo munkona, muvenyerere mookhwaani, ni waara wa Kristu oniwoomwaleeleni.”

Deuteronomiyo 25:16

Yave Mulukwaanyu onimuthanya khula mutthu ompaka itthusene seiyo, eyo tiiyo khula mutthu onlokhottha munakosoni.

aFilipi 1:20

Kingweherera ni murima wootheene ni kinroromela weera nkirwa kuuliwa muru ni yakhalaru etthu. Ohiyanawaya, kinroromela weera ntoko ehuhu yootheene, hiiho vaanaano vaava Kristu anunnuwihiwe mweerutthunimwaka: okhalaka mookumini, hoye hoye mookhwaani,

aKolosi 2:13

Nyuwo mwaaraanyu ookhweene mootakhalani ni moohiineliwani wa erutthwaanyu, Muluku ohoohihimuxani vamoha ni Kristu. Owo oonilevelela sootakhala sootheene,

aKolosi 3:5

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

2 aTesalonika 2:12

ni ethorihiwe ootheene yaawo ahiroromenle ekhaikhai, mene yaatthuna sootakhala.

2 Timootheyo 2:15

Waasaase wiixoonihera wa Muluku, ntoko mutthu oowaakhuleliwa, ntoko namuteko ohikhanleno etthu yoomuulihiha muru, ni onreherera nnenesene masu a ekhaikhai.

Yakobe 4:1

Sinrweela woowi ikhotto ni onyakulihana ori variyariwanyu? Khasinrweela wa soohaawela singwanawana mweerutthunimwanyu?

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

1 Yohaane 1:9

Vaheera nalapa sootthekasahu, Muluku ti oororomeleya ni oothoriha nnene – onoolevelela sootthekasahu ni onoonitteeliha sa sootakhala sootheene.