aRooma 5:3 - Emakhuwa Bible

³ Khoohiyono mwa yeeyo paahi, mene ninnahakalalatho moohaawani, niwoko noosuwela weera ohaawa onruwera ovilela;

aRooma 5:3 Iomraidhean Croise

Habakuki 3:18

hata hiiho, kinoomuhakalalela Yave; aani kinoomuhakalalela Muluku Mvuluxaaka.

Luuka 21:19

Moovilelani, nyuwo mmwiwine okumi.

Miteko 5:41

Arummwa yaavenya oSineedriyuni*, ehakalanleene yaaphwanelihiwa oyevihiwa niwoko na Nsina na Yeesu.

aRooma 5:11

Kheehiyono paahi yeeyo, menetho ninnamuhakalalela Muluku niwoko na Apwiyaahu Yeesu Kristu, mwa Yoowo hiyo nohaakhela vaanaano wiiraana.

aRooma 8:23

Ni khasihiyono paahi seiyo, mene hiyo asineenaahu nookhalano soowiima soopacera sa Munepa, nniipulela mpuwamwahu, niwehereraka ni murima wootheene waakhulelawahu ntoko anamwane ni ovuluxiwa wa erutthwaahu.

aRooma 9:10

Ni eyo khayeereiye paahi ni Sara, menetho ni Rebeka, aarino maphapo yaakhalano atithaya amoharu, atithihu Isaaki.

2 aKorinto 4:17

Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

2 aKorinto 8:19

Kheehiyono paahi yeeyo, mene owo oothanliwatho ni ikerexa weera anihoole naarowaka ovara muteko ola wa ikharari, nimpakaahu weera naavuwihe Apwiya aneenaaya ni weera niwoonihere otthunawahu okhavihera.

awEfeso 3:13

Tivawo, kinoovekelani weera muhiporore niwoko na sohaawasaka wa nyuwo, niwoko iyo siri ovuwawanyu.

aFilipi 1:29

Vano, wa nyuwo moovahiwa weera muhimuroromele paahi Kristu, menetho ohaawa niwoko na Yoowo,

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

1 Pedru 3:14

Wa soothesene, hata mwahaawa niwoko na oreera, nyuwo muri ooreelihiwa. Muhoove yeeyo awo anoovaaya, ni muhituthuwe.