aRooma 5:21 - Emakhuwa Bible

²¹ mooteene yoowo weera, hiiho ntoko yoottheka elamunlaaya mookhwaani, hiihotho mahala elamule niwoko na waakhuleliwa ni Muluku, eruuhaka okumi woohimala mwa Yeesu Kristu Apwiyaahu.

aRooma 5:21 Iomraidhean Croise

Matheyo 25:46

Ni awo eniirowe moottaruxiwani woohimala, oororomeleyatho mookumini woohimala.”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 10:28

Miyo kimvaha okumi woohimala ni iyo khasirwa siriheya. Khaawo aneera awere okaakha mmatatanimwaka.

aRooma 4:13

Abrahaamu ni anamwanaaya yaahaakhela yoororomelihiwa weera awo yaarwa waakhela elapo ya vathi ntoko yoohiyeriwa*. Khayaakhenle yeeyo niwoko na nlamulo, mene niwoko yaahaakhuleliwa mwaha wa nroromelonaya.

aRooma 5:12

Tivawo, mooteene yoowo yoottheka yaavolongwaaya mweelaponi niwoko na mulopwana mmoha, ni vahoolowaya okhwa niwoko na yoottheka ele, hiihotho okhwa waaweenle atthu ootheene, niwoko ootheene aattheka.

aRooma 5:14

Wa soothesene, okhwa wannalamula okhuma ehuhu ya Adamu mpaka ya Moisesi, hiihotho wa yaale yahaakhanleno yoottheka yoolikana ntoko Adamu, mwa yoowo aari eneneero ya yoole eera awe.

aRooma 5:17

Vano, waari weera okhwa waalamula niwoko na yoottheka ya mutthu mmoha paahi, wootepaxa eniilamule mookumini wa yaale anaakhela wa Muluku waatta wa mahala ala ni yamahala ya waakhuleliwa niwoko na mutthu mmoha paahi, Yeesu Kristu.

aRooma 6:12

Tivawo, muhihiye yoottheka elamulaka irutthusanyu sinkhwa, mwiiwelelaka soohaawelasaya.

aRooma 6:14

Yoottheka kheerwa yoolamulani, niwoko khamukhanle vathi wa nlamulo, mene wa mahala.

aRooma 6:16

Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku?

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

aRooma 8:10

Kristutho akhala mwa nyuwo, erutthwaanyu enkhala yookhwa niwoko na yoottheka, mene munepa onkhala ni okumi niwoko na waakhuleliwa ni Muluku.

Titu 2:11

Vano, mahala a Muluku anruuha ovuluwa ahoonihereya wa atthu ootheene.

aHeberi 4:16

Okhalaka hiiho, nikhuveeleke ehice ya mahala ni murima woolipa weera naakhele ikharari, ni weera niphwanye mahala annikhavihera ehuhu ya ohaawela.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

1 Yohaane 2:25

Ni eyo ti yeeyo Atiithi yaaroromelinghaaya: okumi woohimala.