aRooma 5:18 - Emakhuwa Bible

¹⁸ Tivawo, hiiho ntoko yoottheka emoha paahi eruuhalaaya ottaruxa wa atthu ootheene, hiihotho yoopaka emoha paahi yoovuluxa yaaruuha waakhuleliwa, onruuha okumi wa atthu ootheene.

aRooma 5:18 Iomraidhean Croise

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Yohaane 1:7

Owo aahoowa ntoko namoona weera akhalele onamoona, ni hiiho atthu ootheene eroromele niwoko na yoowo.

Yohaane 12:32

Miyo, kaattukhuliwaka vatthayani, nkaapurulele ootheene wa Miyo.”

Yohaane 3:26

Awo yaarowa wa Yohaane ni yaamweerela: “Muhusiha, Mulopwana Owo aari ni nyuwo okhopela wa Yordanu, mwa Yoole mwaamukhalenlaanyu onamoona, ompatisa ni ootheene anrowa wa Yoowo.”

Miteko 13:39

Niwoko na Yoowo, khula mutthu onroromela, ohooniwa weera khanono nthowa wa sootheene seiyo nlamulo na Moisesi nahaaweraaya onilevelela.

aRooma 3:25

Muluku oomwiiyaathi Yoowo ntoko yoowiiveleela weera awere wiiraaniha ni ephomaawe niwoko na nroromelo. Owo aapaka yeeyo weera oonihere ororomeleyawawe, niwoko moovilelanimwawe aahiya soohittaruxiwa soottheka saapakiwe khalayi.

aRooma 4:25

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

aRooma 5:12

Tivawo, mooteene yoowo yoottheka yaavolongwaaya mweelaponi niwoko na mulopwana mmoha, ni vahoolowaya okhwa niwoko na yoottheka ele, hiihotho okhwa waaweenle atthu ootheene, niwoko ootheene aattheka.

aRooma 5:15

Mukhalelo wa mahala khoonlikanxereya ni mukhalelo wa yoottheka. Waari weera vekhaikhai atthu ancipale akhwiiye niwoko na yoottheka ya mutthu mmoha paahi, ekhaikhaitho weera mahala a Muluku ti oopwahaxa. Mahaleene yaawo anrweela wa Muluku wa ancipale niwoko na mutthu mmoha paahi, Yeesu Kristu, ti matokweenexa.

aRooma 5:19

Hiiho ntoko atthu ancipale apakiwaaya anamattheka niwoko na ettiyamaaru ya mutthu mmoha paahi, hiihotho niwoko na wiiwelela wa mutthu mmoharu paahi ancipale eniyaakhuleliwe ni Muluku.

aRooma 6:14

Yoottheka kheerwa yoolamulani, niwoko khamukhanle vathi wa nlamulo, mene wa mahala.

1 aKorinto 15:22

Vano, ntoko ootheene ankhwa mwa Adamu, hiihotho mwa Kristu ootheene eniikhalihiwe ni okumi.

aHeberi 2:9

Mpatta mukina nimmoona Yoole, wa ehuhu vakhaani aayevihiwe vakhaani waapwaha andyelo, Yeesu aawarihiwe ni ovuwa ni nttittimiho niwoko na okhwa ohaangwaawe. Mmahalani a Muluku Yeesu aalawiha okhwa wa mpuha wa ootheene.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

1 Yohaane 2:20

Nyuwotho mohaakhelela yoottikittheliwa enrweela wa Munepa Wootteela, ni ootheene nyuwo moosuwela ekhaikhai.