aRooma 5:15 - Emakhuwa Bible

¹⁵ Mukhalelo wa mahala khoonlikanxereya ni mukhalelo wa yoottheka. Waari weera vekhaikhai atthu ancipale akhwiiye niwoko na yoottheka ya mutthu mmoha paahi, ekhaikhaitho weera mahala a Muluku ti oopwahaxa. Mahaleene yaawo anrweela wa Muluku wa ancipale niwoko na mutthu mmoha paahi, Yeesu Kristu, ti matokweenexa.

aRooma 5:15 Iomraidhean Croise

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Daniyeli 12:2

Ancipale ankona vatthayani anoovenyerera: akina wa okumi woohimala ni akinaawo wa wuulihiheya muru ni munyemu woohimala.

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Matheyo 26:28

Ela ti ephomaaka ya wiiraanyiha, enriheya mwaha wa atthu ancipale weera eleveleliwe soottheka.

Yohaane 3:16

Vano Muluku aasivela elapo ya vathi moota wooweera aamvahalaawe Mwanawe mmoharu weera atthu ootheene animuroromela Yoowo kheeriheya, mene anookhalano okumi woohimala.

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Miteko 15:11

Ohiyanawaya, ninroromela weera noovuluxiwa mwa mahala a Apwiyaahu Yeesu Kristu, ni hiihaawotho awo.”

aRooma 5:12

Tivawo, mooteene yoowo yoottheka yaavolongwaaya mweelaponi niwoko na mulopwana mmoha, ni vahoolowaya okhwa niwoko na yoottheka ele, hiihotho okhwa waaweenle atthu ootheene, niwoko ootheene aattheka.

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

2 aKorinto 9:15

Atthapeliwe Muluku niwoko na mahalaawe ootikhiniheya!

awEfeso 2:8

Nyuwo moovuluxiwa niwoko na mahala, munroromeloni, ni iwo khoongwa wa nyuwo, ti yamahala ya Muluku,

aHeberi 2:9

Mpatta mukina nimmoona Yoole, wa ehuhu vakhaani aayevihiwe vakhaani waapwaha andyelo, Yeesu aawarihiwe ni ovuwa ni nttittimiho niwoko na okhwa ohaangwaawe. Mmahalani a Muluku Yeesu aalawiha okhwa wa mpuha wa ootheene.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

1 Yohaane 5:11

Ni onamoona ti ola: Muluku oonivaha okumi woohimala, ni okumeene yoowo ori mwa Mwanawe.