aRooma 5:10 - Emakhuwa Bible

¹⁰ Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

aRooma 5:10 Iomraidhean Croise

2 Nyaha 29:24

Asaserdoti* yaawiiva anapunci a ipuri, enarongha ephome valtaarini* ntoko yooveleelela yoottheka weera yaarehererele wiiwanana ni Yave aYixrayeli ootheene, niwoko mwene aalamulela yooveleela yoohisa ni yooveleelela yoottheka aweerelaka aYixrayeli ootheene.

Ezekiyeli 45:20

Nyuwo mpakeketho hiiho vanihukuni nanaathannameeli na mweeri, mmweerelaka akhalaru mutthu anaattheke mweerisani hoye hoye moohisuwelani; hiiho nyuwo munooreherera wiiwanana ni Muluku mweerelaka Empa ya Muluku.

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Levitiku 6:30

Vaheera khula yooveleelela yoottheka ephomaaya eneera eruuhiwe Muheemani mwa Muthukumano weera ereherereliwe wiiwanana ni Yave vaNipuroni Nootteela*, ehikhuuriwe; eyo ehisiweke.

Yohaane 14:19

Vahoolo vakhaani amalapo kheerwa ekoonatho; vano nyuwo mmwikoone. Keenre Miyo kikhalaka ni okumi, nyuwotho mmwikhale ni okumi.

Yohaane 5:26

Vano, mooteene yoowo Atiithi ankhalanaaya okumi mwa aneenaaya, hiihotho aamvaha Mwaana weera akhalenotho okumi mwa muneenaawe.

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

Yohaane 6:57

Mooteene yoowo Atiithi ankhalaaya ni okumi akirumihalaaya ni Miyo kinkhala niwoko na Atiithi, hiihotho yoole onca erutthwaaka anaakhale niwoko na Miyo.

aRooma 11:28

Wa masu ooreeraxa, awo ari amwiittana niwoko na nyuwo, mene wa ethanlelo, awo ari oosiveleya niwoko na asitokweenaaya oopacera.

aRooma 5:11

Kheehiyono paahi yeeyo, menetho ninnamuhakalalela Muluku niwoko na Apwiyaahu Yeesu Kristu, mwa Yoowo hiyo nohaakhela vaanaano wiiraana.

aRooma 5:6

Mwa yeeyo, ehuhu yootthuneya, hiyo naaraahu nlelo oohiwereene, Kristu aahaakhwela oohitteela.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

aRooma 8:34

Taani anaathorihe? Aari Kristu Yeesu okhwiiye. Wootepaxa, Owo oovenyerera ni ori moono mulopwana wa Muluku anivekelelakatho hiyo.

aRooma 8:7

Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo.

2 aKorinto 5:20

Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

awEfeso 2:16

ni wiiraanyiha miloko miili iye ni Muluku mwa erutthu emoha. Eyo owenre niwoko na muttanda, mwa yoowo Owo oophwata wiittana iwe.

awEfeso 2:3

Khalayeene hiyo ootheene naakhalatho variyari wa yaawo, nimaalihaka sootthuna sa erutthwaahu, nittharaka soohaawelasaya ni soowuupuwelasaya. Ntoko ootheene akina, naaritho wa eyareliwaahu oophwanela isara.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.

1 Yohaane 2:1

Anamwanaaka, kinoolepelani itthu iya weera nyuwo muhittheke. Mukinatho attheka, nookhalano Namwaakiha vamoha ni Atiithi – Yeesu Kristu oororomeleya.

1 Yohaane 4:10

Mwa yeeyo wookhala osivela: khoohiyono weera hiyo noomusivela Muluku, mene weera Owo oonisivela ni aamurumiha Mwanawe ntoko woopola wa sootthekasahu.

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.