aRooma 4:16 - Emakhuwa Bible

¹⁶ Tivawo, yoororomelihiwa enrwa niwoko na nroromelo, weera evahiwe mahaleene, ni hiiho ekhale oororomelihiwa wa anamwane ootheene a Abrahaamu, ehikhanle paahi wa yaawo ari vathi wa nlamulo, mene wa yaawotho arino nroromelo nenenenno Abrahaamu aarinaawe. Awo ari atiithi a hiyo ootheene.

aRooma 4:16 Iomraidhean Croise

Yesaya 51:2

Mungwehe Abrahaamu, atithinyu ni Sara ooyanreni. Miyo kaamwiitthanaaka, aari meekhaawe ni kaamureeliha, kimutatuxaka atthu ancipale.

Luuka 19:9

Yeesu aamweerela: “Olelo woophiya ovuluwa wa empa ela, niwoko mulopwana ola oritho mwaana a Abrahaamu.

aRooma 15:8

Vano miyo kinooleelani weera Kristu oothatuwa murumeiyi a aYuda niwoko na ekhaikhai ya Muluku, weera alipihere seiye yaaroromelihiwaaya asitokweene a khalayi.

aRooma 3:22

Vano, waakhuleliwa ni Muluku iwo onrweela niwoko na nroromelo mwa Yeesu Kristu wa ootheene animuroromela. Khaniwowo nthalu,

aRooma 3:30

woonaka weera Muluku ori mmoha paahi, anaawaakhulele oowiineliwa nitho oohiineliwa niwoko na nroromelo nenenenno.

aRooma 4:11

Hiiho owo aahaakhela wiineliwa ntoko eneneero, ethoonyero weera owo aakhuleliwaawe niwoko na nroromelo, ahinaaye nlelo wiineliwa. Tivawo awo ari atiithi a ootheene yaawo anroromela ehiineliwe, weera awotho ekhale oowaakhuleliwa.

aRooma 5:1

Vano, naakhuleliweene ni Muluku niwoko na nroromelo, nookhalano murettele ni Yoowo mwa Apwiyaahu Yeesu Kristu.

aRooma 9:8

Eyo tiyo: khaahiyono anamwane a erutthu ari anamwane a Muluku, mene ti anamwane a yoororomelihiwa ari oowaalikeliwa ntoko ekhapira ya ekhaikhai ya Abrahaamu.

aGalata 3:14

Aapakenle yeeyo weera, niwoko na Yoowo, nreeliho na Abrahaamu niphiyetho wa amalapo nitho weera hiyo naakhele munroromeloni yoororomelihiwa ya Munepa.

aGalata 3:16

Hiihotho ni soororomelihiwa saapakeliwe Abrahaamu ni ekhapiraawe. Yoolempwa* kheeneera: ‘ni wa ikhapirasawe’ ntoko ancipale, mene ‘wa ekhapiraawe,’ weera enoonihere weera enuuluma sa mutthu mmoha paahi, eyo tiiyo Kristu.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

awEfeso 2:5

niwoko na osivelaxawawe onisivenlaawe hiyo naaraahu nlelo ookhweene mwa sootakhala. Nyuwo moovuluxiwa niwoko na mahala!

awEfeso 2:8

Nyuwo moovuluxiwa niwoko na mahala, munroromeloni, ni iwo khoongwa wa nyuwo, ti yamahala ya Muluku,

Titu 3:7

weera, nireene oowaakhuleliweene niwoko na mahalaawe, hiyo nithatuwe anamwaakhela, niwehereraka okumi woohimala.

2 Pedru 1:10

Tivawo, axunna, mwiilipihere weera mukhale oolipa mwa wiitthanawanyu ni othanlawanyu, niwoko mweettela mweetteloweene yoowo, khamurwa mukwattuliwatho.