aRooma 4:11 - Emakhuwa Bible

¹¹ Hiiho owo aahaakhela wiineliwa ntoko eneneero, ethoonyero weera owo aakhuleliwaawe niwoko na nroromelo, ahinaaye nlelo wiineliwa. Tivawo awo ari atiithi a ootheene yaawo anroromela ehiineliwe, weera awotho ekhale oowaakhuleliwa.

aRooma 4:11 Iomraidhean Croise

Epacerero 17:24

Abrahaamu iineliwe areeneno iyaakha miloko mithannamixexe niithanniixexe.

Icipo 47:9

Maneethi a miloko anthukumana vamoha ni muloko wa Muluku a Abrahaamu, niwoko mamwene a elapo ya vathi anlamuliwa ni Muluku. Owo ori vasulu wa itthu sootheene.

Okhuma 12:13

Ephome eniikhale eneneero yoothoonyera impa muneeraanyu mukhale. Miyo koona ephome, kinoopwaherera. Nihooxo na onyoka khanirwa noophwanyaani Miyo kaawiinlihaka awExipitu.

Okhuma 31:13

“Mwaaleele aYixrayeli: ‘Muttittimihe iSaabadusaka. Eyo eniikhale eneneero ya Miyo ni nyuwosa wa khula ekhapira weerela musuwele weera Miyo ti Yave onootteelihasani.

Okhuma 31:17

Eniikhale eneneero yoohimala wa Miyo ni aYixrayeli, niwoko wa mahuku mathannamosa Yave aapattuxa erimu ni vathi, mene nihuku nanaathannameeli khaavanre muteko ni aahiitthuuwa.’”

Ezekiyeli 20:12

Kohaavahasatho iSaabadusaka ntoko eneneero ya eriyaraahu, weera esuwele weera Miyo, Yave, kohaapakasa yaawo muloko wootteela.

Ezekiyeli 20:20

Mutteelihe iSaabadusaka, weera iyo sikhale eneneero ya eriyaraahu. Hiiho nyuwosa munoosuwela weera Miyo ti Yave, Mulukwaanyu.”

Matheyo 16:16

Simeyoni Pedru aamwaakhula: “Nyuwo ti Kristu, Mwaana a Muluku Mukumi.”

Matheyo 8:11

Miyo kinooleelani weera animoowa atthu ancipale ninkhuma nsuwa ni ninkela nsuwa, ni anookilaathi vameesa vamoha ni Abrahaamu, Isaaki ni Yakobe moomweneni wa wiirimu.

Luuka 19:9

Yeesu aamweerela: “Olelo woophiya ovuluwa wa empa ela, niwoko mulopwana ola oritho mwaana a Abrahaamu.

Yohaane 3:33

Yoole onaakhulela, onaakhuleliha weera Muluku ti a ekhaikhai.

Yohaane 3:36

Yoowo onimuroromela Mwaana, ookhalano okumi woohimala. Vaheera yoowo onimukhootta Mwaana, kharwa oona okumi, mene isara sa Muluku sinkhala ni yoowo.”

Yohaane 6:35

Vano Yeesu aahima: “Miyo ti Yooca ya okumi. Yoole ongwa wa Miyo khawa avoliwa etala ni yoole onkiroromela Miyo khawa avoliwa ntthona.”

Yohaane 6:40

Otthuna wa Atithaka ti weera ootheene aningweha Mwaana a mutthu ni animuroromela Yoowo, ekhalane okumi woohimala. Ni Miyo nkimvenyererihe nihuku noomaliha.”

Yohaane 6:47

Kinoororomelihani weera yoole onroromela, ookhalano okumi woohimala.

Yohaane 8:33

Awo yaamwaakhula: “Hiyo nri ekhapira ya Abrahaamu ni khanitonke okhala ipottha sa mukina. Heeni Nyuwo muneeraanyu weera nnikhale maneethi?”

aRooma 10:11

Ntoko Yoolempwa* yeenraaya: “Yoowo onimuroromela, kharwa uulihiwa muru.”

aRooma 10:4

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.

aRooma 10:6

Mwahatho wa waakhuleliwa onrweela niwoko na nroromelo, elempwe: “Muheere mmurimanimwanyu: ‘taani anaawele wiirimu’” (eyo tiiyo omukuruxa Kristu).

aRooma 3:22

Vano, waakhuleliwa ni Muluku iwo onrweela niwoko na nroromelo mwa Yeesu Kristu wa ootheene animuroromela. Khaniwowo nthalu,

aRooma 3:26

Aapaka iye weera oonihere ororomeleyawawe wa vaanaano, weera akhale namaroromeleya ni namwaakhulela wa yaale animuroromela Yeesu.

aRooma 3:30

woonaka weera Muluku ori mmoha paahi, anaawaakhulele oowiineliwa nitho oohiineliwa niwoko na nroromelo nenenenno.

aRooma 4:10

Vano, yaakhani aakhuleliwaawe Abrahaamu? Ahinaaye, hoye hoye vahoolo wa wiineliwawawe? Khoohiyono iinelingweene, mene ahinaaye!

aRooma 9:30

Vano, nneereke hai? Amalapo yahaasaanse waakhuleliwa ni Muluku, yaaphwanya iwo – waakhuleliwa onrweela niwoko na nroromelo.

aRooma 9:33

Ntoko elempwalaaya: “Moone, Miyo kohiiyaathi oSiyoni nluku nookwattula ni noowuuwiha, mene yoowo onroromela, nenno kharwa uuliwa muru.”

aRooma 9:6

Nihuupuwele weera masu a Muluku yaakusanyiheya. Khaahiyono anamwane ootheene a oYixrayeli weera ti vekhaikhai muloko wa oYixrayeli.

2 aKorinto 1:22

ni oniyaathenre eneneero enoonihera weera nri a Yoowo, ni onihenle Munepaawe mmirimanimwahu ntoko yoororomelihiwa ya yeeyo eneera ewe.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

aGalata 3:29

Ni nyuwo mwaari a Kristu, vano ti ekhapira ya Abrahaamu, ni muri anamwaakhela ntoko yoororomelihiwa enghimaaya.

aGalata 3:7

Mwiiwexexe nnene weera yaale anroromela ari anamwane a Abrahaamu.

aGalata 5:5

Hiyo ningweherera munroromeloni ninrweela wa Munepa Wootteela waakhuleliwa ni Muluku ori owehererawahu.

aGalata 6:16

Murettele ni ikharari sikhale ni ootheene aneetta ekwaniheraka nlamulo nna, nitho ni aYixrayeli a Muluku.

awEfeso 1:13

Nyuwo mookhalatho mwa Yoowo vahoolo woowiiwa ni woororomela masu a ekhaikhai, masu ooreeraxa awo yoovulunxeni, ni nyuwo mohiiyaatheriwa ni Munepa Wootteela woororomelihiwa.

awEfeso 4:30

Muhithananihe Munepa Wootteela wa Muluku, mwa Yoowo nyuwo mohiiyaatheriwa eneneero wa nihuku na ovuluxiwa.

Deuteronomiyo 30:6

Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

aHeberi 11:7

Munroromeloni Nowe, oopereriweene itthu nlelo sahaakhumelenle ni eettihiweene ni woova wootteela, aapaka nikula weera avuluxe emusaawe. Niwoko na nroromelo owo aathoriha elapo ya vathi ni aahaakhela waakhuleliwa ni Muluku onrweela niwoko na nroromelo.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

Ethupululo 9:4

Iyo saalamuliwa weera sihinanarihe hata malaxi a elapo ya vathi, naari nyiri, hoye hoye itthu sikina sa ntuphini, mene paahi atthu yahaakhanleno eneneero ya Muluku vayuuciniwaya.