aRooma 3:26 - Emakhuwa Bible

²⁶ Aapaka iye weera oonihere ororomeleyawawe wa vaanaano, weera akhale namaroromeleya ni namwaakhulela wa yaale animuroromela Yeesu.

aRooma 3:26 Iomraidhean Croise

Yesaya 42:21

Yoomuhakalaliha Yave moororomeleyanimwawe opaka Nlamulonawe ntokotoko ni noovuwiheya.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Zefaniya 3:15

Yave oovenxa ottaruxiwawanyu, Owo ohaahokoloxa amwiittanaanyu. Yave, mwene a oYixrayeli, ori eriyaraanyu; nyuwo khamoovaru etthu.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Luuka 1:80

Vano, mmiravo annunnuwa ni annalipa mmunepani. Aakhala munikareni mpaka ehuhu eeraawe iixoonihere wa aYixrayeli.

aRooma 3:25

Muluku oomwiiyaathi Yoowo ntoko yoowiiveleela weera awere wiiraaniha ni ephomaawe niwoko na nroromelo. Owo aapaka yeeyo weera oonihere ororomeleyawawe, niwoko moovilelanimwawe aahiya soohittaruxiwa soottheka saapakiwe khalayi.

aRooma 3:27

Vano, nri woowi nthowa na wiivuwiha? Khanaalikeliwe. Niwoko heeni nihaalikeliwaaya? Niwoko na wiiwelela nlamulo? Hoye. Niwoko na nroromelo paahi.

aRooma 3:30

woonaka weera Muluku ori mmoha paahi, anaawaakhulele oowiineliwa nitho oohiineliwa niwoko na nroromelo nenenenno.

aRooma 4:5

Wa soothesene, yoole ohimvara muteko, mene anroromelaka Muluku ommwaakhulela namattheka, nroromelonawe ningwera weera owo onaakhuleliwa ni Muluku.

aRooma 8:33

Taani eniiwoothere oothanliwa a Muluku? Ti Muluku ongwaakhulela.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.