aRooma 3:23 - Emakhuwa Bible

²³ niwoko ootheene aattheka ni ari ottaiwene wa ovuwa wa Muluku,

aRooma 3:23 Iomraidhean Croise

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

1 Mamwene 8:46

Onoowereya aYixrayeli wootthekelani, niwoko khaawo ohinttheka. Yootthekelani, Nyuwo munimwaanyoonyeriwa ngwinnyereraka mmatatani mwa amwiittana weera yaavare ootthukiweene yaaronghaka elapwaaya – ekhalaka ya ottai hoye hoye ya vakhiviru.

Namalaleiya 7:20

Vanonto, khawoworu naari mmoha mulaponimu oororomeleya ompaka yooreera, ahinatthekaru.

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 11:32

Muluku oowiiyaathi atthu ootheene vathi wa ettiyamaaru weera aamorele ikharari atthu ootheene.

aRooma 3:19

Noosuwela weera sootheene nlamulo ninghimaaya, ninaaleela yaale alamuliwe ni nne, weera iyano sootheene simaale, ni elapo ya vathi yootheene ekhale yoothorihiwa ni Muluku.

aRooma 3:9

Eheeni nneeraahu nimalihe? Hiyo nohaapwaha yaawo? Hoye! Noothaliha nnene weera aYuda ni aGrego anlamuliwa ni soottheka.

aRooma 5:2

Mwa Yoowo noophwanya ovolowa wa mahala ala niwoko na nroromelo, mahaleene yaale mwa yaawo hiyo nri oolipeene. Hiyo ninnahakalala moowehererani wa ovuwa wa Muluku.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

2 aTesalonika 2:14

Owo owiitthanenleni yeeyo ni maswaahu ooreeraxa weera mwaakhele ovuwa wa Apwiyaahu Yeesu Kristu.

aHeberi 4:1

Moone, yoororomelihiwa ya ovolowa ngwiitthuuwani mwa Muluku emvara muteko mpaka olelo. Tivawo, niipasoope weera hata mmoha a nyuwo ahiyeleele ehuhu ya ovolowa ngwiitthuuwani wu.

1 Pedru 4:13

Ohiyanawaya, muhakalale moohaawani vamoha ni Kristu muneenaawe weera waathupululiwaka ovuwawawe, nyuwo muhakalalaxe.

1 Pedru 5:1

Ntoko mutokweene mukina, kingwooperera asitokweene ari variyariwanyu, kireene namoona a ohaawa wa Kristu, ni woonaka weera nkikhale mpatta wa ovuwa oneera wooniheriwe.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.