aRooma 3:22 - Emakhuwa Bible

²² Vano, waakhuleliwa ni Muluku iwo onrweela niwoko na nroromelo mwa Yeesu Kristu wa ootheene animuroromela. Khaniwowo nthalu,

aRooma 3:22 Iomraidhean Croise

Yesaya 61:10

Kinimuhakalalelaxa Yave, munepaaka onimuhakalalela Mulukwaaka. Niwoko Owo ookiwariha ni soowara sa ovuluxiwa ni ookikuttelelano mukaandyo wa ekhaikhai, ntoko namatthomera omphwaneliha murwaawe alikanaka musaserdoti* ni ntoko ootthomeriwa oniiphwaneliha ni axiveeve.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Luuka 15:22

Atiithitho yaaweerela arumeiyaaya: ‘Mwaakuveke! Ngwiihe ekuwo yooreeraxa ni mungwarihe. Mungwarihe mukathanimwawe munela ni inaawosawe isapato.

Miteko 11:12

Munepa waakeerela weera kihihovele orowa ni yaawo. Asilopwana athannammosa ala yaakihoolatho, ni naavolowa mpaani mwa mulopwana ole.

Miteko 15:9

Owo khanipakenle nthalu hiyo ni yaawo, woonaka weera ootteeliha mirimasaya ni nroromelo.

Miteko 3:16

Ti niwoko na nroromelo mwa Nsina na Yeesu, Owo omulamihalaawe mulopwana ola nyuwo mummoonaanyu ni munsuwenlaanyu. Nroromelo ninrwa wa Yoowo noomvaha ola mpuha wookwanela, ntoko ootheene mungweraanyu woona.

aRooma 1:17

Vano, mwa masu ooreeraxa onimooniheriwa waakhuleleya wa Muluku. Okhuma ompacereroni mpaka ommaleloni, waakhuleleya wu ti niwoko na nroromelo, ntoko elempwaaya: “Yoole onaakhuleliwa ni Muluku niwoko na nroromelo, anaakhale ni okumi.”

aRooma 10:12

Khoohiyanne variyari wa aYuda ni amalapo, niwoko Apwiyeene yaawo ti Apwiya a ooweeli, ni Awo annaareelihaxa ootheene yaawo angwiitthana Yaawo,

aRooma 10:4

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.

aRooma 2:1

Tivawo, nyuwo munaathoriha akina muri oohileveleleya, niwoko muniittaruxa mwaneenaanyu mwa yeeyo munthorihaanyu, woonaka weera nyuwo munthoriha, mumpakatho itthusene seiyo.

aRooma 3:30

woonaka weera Muluku ori mmoha paahi, anaawaakhulele oowiineliwa nitho oohiineliwa niwoko na nroromelo nenenenno.

aRooma 4:16

Tivawo, yoororomelihiwa enrwa niwoko na nroromelo, weera evahiwe mahaleene, ni hiiho ekhale oororomelihiwa wa anamwane ootheene a Abrahaamu, ehikhanle paahi wa yaawo ari vathi wa nlamulo, mene wa yaawotho arino nroromelo nenenenno Abrahaamu aarinaawe. Awo ari atiithi a hiyo ootheene.

aRooma 8:1

Tivawo, khaniwowo nttaruxo wa yaawo ari mwa Kristu Yeesu.

aRooma 9:30

Vano, nneereke hai? Amalapo yahaasaanse waakhuleliwa ni Muluku, yaaphwanya iwo – waakhuleliwa onrweela niwoko na nroromelo.

1 aKorinto 12:13

Ootheene hiyo noopatisiwa mwa Munepa mmoharu nipakaka erutthu emoha – hata aYuda, hata aGrego, hata ipottha, hata maneethi. Ni wa ootheene hiyo noovahiwa owura wa Munepa mmoharu.

1 aKorinto 4:7

Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle?

aGalata 2:16

noosuwela weera mutthu khanaakhuleliwa ni Muluku niwoko na miteko sa nlamulo, mene ni nroromelo mwa Yeesu Kristu. Hiihaawo hiyotho noororomela mwa Kristu Yeesu weera nikhale oowaakhuleliwa ni Muluku niwoko na nroromelonahu mwa Kristu. Khanaakhuleliwe niwoko na miteko sa nlamulo. Mwa yeeyo ni miteko sa nlamulo khaawo anaakhuleliwe ni Muluku.

aGalata 2:20

Kookhomeliwa vamoha ni Kristu. Hiiho nkihiyono miyo kinkhala, mene aani Kristu okhanle mwa miyo. Okumi kinkhalaaka vaanaano mweerutthuni, kinkhala kimuroromelaka Mwaana a Muluku okisivenlaawe ni iixinnyerenraawe wa miyo.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

aGalata 3:28

Khawowo muYuda, hata muGrego, epottha, hata neethi, mulopwana, hata muthiyana, niwoko ootheene ti mmoha mwa Kristu Yeesu.

awEfeso 3:12

Niwoko na omuroromelawahu Kristu, ninoowera omwaattamela Muluku ni murima woolipa ni oneethi.

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

aKolosi 3:11

Mwa Yoowo khawowo muGrego, naari muYuda; oowiineliwa, naari oohiineliwa; mmalapo, naari muXitha*; epottha, naari neethi, mene Kristu ti sootheene ni ori mwa ootheene.

Yakobe 2:23

Hiiho yookwaniheriwa Yoolempwa* eneera: “Abrahaamu aamuroromela Muluku, ni tivawo aakhuleliwaawe ni Yoowo,” ni owo aahiitthaniwa nthamwene a Muluku.