aRooma 3:11 - Emakhuwa Bible

¹¹ khaawo mukina oniiwexexa, khaawo ommwaasa Muluku.

aRooma 3:11 Iomraidhean Croise

Icipo 53:2

Muluku ari wiirimu onaaweha atthu a elapo ya vathi weera oone aakhanleene mutthu oniiwexexa; akhalaru ommwaasa Muluku.

Icipo 53:4

Yaawo ampaka soonanara khaanxuttera. Awosa ankhuura mulokwaaka ntoko enkhureliwaaya yooca ni khaammwiitthana Muluku.

Icipo 94:8

Mwiiwexexe nyuwosa oohikhalano miruku; alolo nyuwo, mmwiwere wiiwexexa yaakhani?

Masu a Miruku 1:22

“Nyuwosa muhisuwenle opaka yooreera, mpaka yaakhani muneeraanyu mpwaherere ni ohisuwelawanyu? Nyuwosa anamatthebwa, mpaka yaakhani muneeraanyu muhakalalele otthebwawanyu? Ni nyuwosa alolo, mpaka yaakhani muneeraanyu muhoonele esuwelo?

Masu a Miruku 1:7

Omoova Yave ti mathipelo a esuwelo, vaheera alolo khaanoonelamo miruku ni olakiwa.

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 31:1

Ii wa yaale anrowa wExipitu yaasaasaka ekhavihero; yaale anroromela ikavalu* ni ikaarosaya soowaatta, anroromela mwa ikuru sa anamweettihaaya, mene khaaningweha Ootteela a oYixrayeli naari khaanaasaasa ekhavihero enrweela wa Yave.

Yesaya 55:6

Mmwaase Yave vaava ongwereyaaya, mmwiitthane Owo nlelo areene vakhiviru.

Yesaya 65:1

“Kohiixoonihera wa yaale yahaakikoha; koophwanyiwa ni yaale yahaakaasa. Kaaheerela muloko wahiitthana Nsinanaka: ‘Kiri va, kiri va.’

Yesaya 9:13

Vaheera muloko khawaamurukunuwenle Yoowo aavulalinghe, naari khawaamwaanse Yave a ikuru sootheene.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Hoxeya 7:10

Wiixoona wa Yixrayeli onkhalela onamoona, mene sirookhalaru sootheene iyo, owo khanghokoleela wa Yave, Mulukwaawe, ni khammwaasa.

Matheyo 13:19

Mutthu iiwa mutthenga wa omwene ni aahiiwexexa mutthenga ole, mutakhali onimoowa ni onoomwaakha mmiso waaliwe mmurimanimwawe. Ola ti mmiso waaliwe mukerekhere wa ephiro.

aRooma 1:22

Yaari mwiixeerelaru asuweli, yaathatuwa alolo.

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 3:10

Ntoko elempwalaaya: “Khaawo mutthu a ekhaikhai, naari mmoha;

aRooma 3:12

Ootheene aahapuwa ni aathatuwa a siiyo. Khaawo ompaka yooreera, hata mmoha.

aRooma 8:7

Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo.

Titu 3:3

Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.