aRooma 2:5 - Emakhuwa Bible

⁵ Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

aRooma 2:5 Iomraidhean Croise

2 Nyaha 30:8

Vanonto, muhikhale attiyamaaru ntoko makholowaanyu; mwiixinnyerere wa Yave. Murwaase vaNipuroni Nootteela* Owo otteelihalaawe wa mahuku ootheene. Munrumeele Yave, Mulukwaanyu, weera mooro wa isarasawe woohuluweni.

2 Nyaha 36:13

Aamurukunuwelatho mwene Nebukadenezari, mwa yoowo aamunyesereringhe olipela mwa Nsina na Muluku. Aathatuwa oottiyaxa maaru ni oowuuma murima, ahitthunaka ohokoleela wa Yave, Muluku a oYixrayeli.

Yobi 21:30

Vano awosa aneera weera oonanara murima anuureliwa muhasarani, ni weera vanihukuni na isara animoopoliwa.

Icipo 110:5

Yave ori moonowaanyu woolopwana; Owo onimwaaphwata mamwene vanihukuni na isarasawe.

Icipo 95:8

“Muhuumihe mirimasanyu ntoko mwaapankaanyu munikareni na oMeriba ni oMasa.

Okhuma 14:17

Wa soothesene, Miyo kinimuumiha mirima sa awExipitu ni awosa animoottharelelani. Kinimwaakhela ovuwa moomphwatani Farawu*, anakhottwaawe ootheene, ikaarosawe sa ekhotto ni anamweettiha a ikavalu*.

Okhuma 32:34

Vano, murowe, mwahoolele muloko wa nipuro Miyo kooleenlaakani, ni ndyelowaaka onimoohoolelani. Wa soothesene, yaphiyera ehuhu yoottaruxa, kinimwaattaruxa niwoko na yootthekaaya.”

Okhuma 8:15

Farawu*, oonnaawe weera omumula waakhala, aahuumiha murimaawe ahimwiiwelelaka Moisesi ni Aharoni, ntoko Yave eenraawe.

Masu a Miruku 1:18

hiihotho asilopwana awo khaansuwela weera aniixiipithela wa ephomaaya asineenaaya; anreela muraakho inaawosaya!

Masu a Miruku 11:4

Mihakhu khasimvareleya muteko munihukuni na isara sa oMuluku, vaheera wookoleleya ontapuxa mookhwaani.

Masu a Miruku 28:14

Ooreelihiwa mutthu onkhalela nthiti omoova Yave! Vaheera yoowo onuumiha murima onoomorela mwa soonanara.

Masu a Miruku 29:1

Yoowo onnyeserera mootapanyani ahiihaxiweene, onoophwatiwa woohileeliwa ni woohimurette.

Namalaleiya 12:14

Vano, Muluku onooruuhela nthorihelo sootheene sipakingwe, vamoha ni seiyo siipithihingwe – ekhalaka yooreera naari yoonanara.

Yesaya 48:4

Vano koosuwela ettiyamaarwaanyu; misemba sa muxikomwanyu saari sa eyuuma ni eyuucaanyu yaari ya ebronze*.

Yeremiya 40:3

Vano Yave ookwaniherela, anapaka yeeyo aaroromelihalaawe. Sootheene iyo seereenle niwoko na omutthekela nyuwosa Yave ni ohimwiiwelela.

Ezekiyeli 11:19

Kinimwaavahasa murima woohikawanyeya, kiheleke munepa munyowani mpuwamwaya; kinoovenxa mwa yaawo murima wa nluku kaavaheke murima wa ethayi.

Ezekiyeli 3:7

Vaheera muloko wa aYixrayeli khoontthuna owiiwani niwoko owo khoontthuna okiiwa. Vano muloko wootheene wohuumiha murima ni woottiyamaaru.

Daniyeli 5:20

Wa soothesene, murimaawe waathatungwaaya woowiixoona ni woowuuma niwoko na wiikuxa, aavenxiwa vahiceniwawe ya emwene ni aahaakhiwa ovuwawawe.

Hoxeya 13:12

Nthowa na Efrayimi noolempwa; sootthekasawe siri munamalepelani.

Amosi 3:10

“Awosa khaangwera okhalano mweettelo woowookoleleya,” onghima Yave, “awosa anthukumanya moolipamwaya seiyo yiiyalaaya ni ahuhunlaaya.”

aRooma 1:18

Isara sa Muluku sinoonihereya wiirimu ni ohitteela wootheene ni yoonanara yootheene ya atthu enooceeliha ekhaikhai.

aRooma 11:25

Axunnaka, kintthuna weera musuwele nnenesene ntikhinelo nna weera muhiixoone: Wookhumelela wuuma murima wa akina a aYixrayeli mpaka okwanela waatta wa amalapo.

aRooma 9:22

Nnihime eheeni hiyo, Muluku atthuna woonihera isarasawe ni asuweliha ikurusawe? Owo oovilela ni oweherera otokotoko nyaapu sa isarasawe sipakeliwe ophwata.

2 aKorinto 5:10

Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

Deuteronomiyo 2:30

Wa soothesene, Sihoni, mwene a oHexeboni, aakhootta oniviriha. Yave Mulukwaanyu aamuttiihamaaru amuumihaka murimaawe weera amwinnyerere mmatatanimwanyu ntoko onooneyaaya olelo.

Deuteronomiyo 32:34

Koothokorora itthu iyo kilipelelaka omuhakhuniwaka.

2 aTesalonika 1:5

Sootheene iyo sinoonihera weera nthorihelo na Muluku nri na ekhaikhai, eyo tiiyo weera Muluku anaawiitthaneni oophwanelela omwene wa Muluku, mwa yoowo nyuwo onoohaawihani.

aHeberi 3:13

Ohiyanawaya, mulipihaneke mirima mahuku ootheene mukina ni mukhwaawe, nireene nlelo nihuku nniitthaniwa “olelo,” weera hata mmoha a nyuwo ahuumihiwe murima ni olokottha wa yoottheka.

aHeberi 3:15

Tivawo elempwaaya: “Olelo, nyuwo mwiiwa nsunawe, muhuumihe murimaanyu, ntoko mwaapakaanyu, munkhoottaka Muluku.”

aHeberi 4:7

Tivawo Muluku omvaha veeli nihuku nimoha nniitthaniwa “olelo.” Vahoolo wa iyaakha sincipale, uulumaka ni eyano ya Davide, Muluku eenre, ntoko ehimmwalaaya: “Olelo, nyuwo mwiiwa nsunawe,muhuumihe murimaanyu.”

Yakobe 5:3

Iyuumasanyu soorikaxa soociwa murawa, ni murawaaya onuuwoothereni ni onuukhuure erutthwaanyu ntoko mooro. Nyuwo mohaattano mihakhu mahuku ookisera ala.

Yoxuwa 11:20

Vano, aari Yave muneenaawe uumihale mirimasaya weera yaawaneno aYixrayeli. Aapaka yeeyo weera aaphwate woomalela, awiivaka woohaamorela ikharari, ntoko Yave aamulamulenlaawe Moisesi.

2 Pedru 2:9

Tivawo, nnoona weera Apwiya aasuwela owoopola atthu a murima wa omuluku wa sooweereriwa ni waatthuka atakhali wa nihuku na othorihiwa,

2 Pedru 3:7

Ni masweene yaawo, wiirimu ni elapo ya vaanaano vaava ensungeriwa mooro, ethokororeliweene nihuku na othorihiwa ni na ophwatiwa wa atthu oonanara.

Yuda 1:6

Apwiya ahaatthuka mpiphini ni onyooro woohimala wa othorihiwa wa nihuku ntokweene andyelo yahaakosoompe mikhalelosaya sa ikuru, mene yaahiya nipuronaya.

Ethupululo 2:21

Koomvaha ehuhu yoorukunxa murimaawe wa olavilavaawe, mene owo khantthuna.

Ethupululo 6:17

Vano, noophiya nihukunaya ntokotoko na isara, ni taani anaawere ovilela?”

1 Samuweli 6:6

Munuumela heeni mirimasanyu ntoko awExipitu ni Farawu*? Muluku aattarunxeene wootepaxa, yaahingyaaya aYixrayeli epwahaka.