aRooma 2:29 - Emakhuwa Bible

²⁹ Hoye! muYuda ti yoowo ori mpuwamwawe, ni wiineliwa ti wiineliwa wa murima, ompakiwa ni Munepa, ohiya nlamulo noolempwa. Mutthweene yoowo khanaakhela nttittimiho wa atthu, mene wa Muluku.

aRooma 2:29 Iomraidhean Croise

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Icipo 45:13

Mwaana muthiyana a mwene ti oosareya waara mukwartunimwawe. Ikuwosawe sootthaveliwa eyuuma yoorikaxa.

Yeremiya 4:14

Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Yeremiya 9:25

“Anoophiyera mahuku,” onghima Yave, “Kineeraaka kaattaruxe ootheene yaawo yiineliwe mweerutthuni paahi –

Luuka 11:39

Vano Apwiya yaamweerela: “Nyuwo aFarisi* munrapiha omokoni wa ekoomixi ni wa esasaani, mpuwatho moosareya ohaawela mihakhu ni onanara.

Luuka 17:21

hata atthu khaanrowa weera: ‘Ori va,’ naari ‘Ori iwe,’ niwoko omwene wa Muluku ori variyariwanyu.”

Yohaane 12:43

Vano yaasivela ovuwa wa atthu, ohikhanle ovuwa wa Muluku.

Yohaane 4:23

Vanonto, eneera ephiyaka ehuhu, aani vekhaikhai yoophiya, eneeraaya anamalapela a ekhaikhai yaalapele Atiithi ni mMunepani Wootteela ni mweekhaikhaiyini. Ti anamalapa ntoko awo Atiithi angwaasaaya.

Yohaane 5:44

Mmwiroromele hai mwaakhulelanaka mukina ni mukhwaawe ovuwa, mene khamunaasaasa ovuwa ongwa wa Muluku mmoharu.

aRooma 14:17

Omwene wa Muluku khoohiyono yooca, naari yoowura, mene waakhuleliwa, murettele ni ohakalala mMunepani Wootteela,

aRooma 2:27

Yoowo ori oohiineliwa mweerutthunimwawe, mene oniiwelela nlamulo, anoothoriheni nyuwo muhiniiwelela nlamulo, hata mureeneno nlamulo noolempwa nitho wiineliwa mweerutthunimwanyu.

aRooma 3:1

Yooreera heeni okhala muYuda, hoye hoye muteko heeni omvaraaya wiineliwa?

aRooma 7:6

Mene vano, nihiyaka ottuli yeele yaanitthunke, noovuluxiwa wa nlamulo weera nirumeele munkhaleloni munyowani wa Munepa, ohikhanle munkhaleloni wa khalayi wa nlamulo noolempwa.

1 aKorinto 4:5

Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

1 aKorinto 7:19

Hata wiineliwa, naari ohiineliwa khoonthoonyera etthu. Yootthuneya ti wiiwelela malamulo a Muluku.

2 aKorinto 10:18

niwoko khanaakhuleliwa yoowo oniilaihera muneenaawe, mene yoowo Apwiya animlangheraaya.

2 aKorinto 3:6

Owo ooniweriha weera nikhale arumeiyi a wiiraana onyowani, khoohiyono wa soolempwa, mene wa Munepa, niwoko soolempwa siniiva, mene Munepa omvaha okumi.

Deuteronomiyo 10:16

Tivawo, siineleye mirimasanyu ni muhikhaletho oottiyamaaru,

Deuteronomiyo 30:6

Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

1 aTesalonika 2:4

Ohiyanawaya, ninuuluma ntoko asilopwana oowaakhuleliwa ni Muluku avahereriwe masu ooreeraxa. Khannuuluma hiiho weera naasivelihe atthu, mene wa Muluku onsuwela mirimasahu.

1 Pedru 3:4

Ohiyanawaya, oreerawanyu okhale mmurimanimwanyu, ntoko munepa woowiisuumaaliha ni murima woowiitthaala. Vano, oreerawene weiwo woohiriheya ori woottittimiheyaxa vamaithoni wa Muluku.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.