aRooma 2:26 - Emakhuwa Bible

²⁶ Vano, awo ari oohiineliwa yiiwelelaka soonyesereriha sa nlamulo, kheerwa yaalikeliwa ntoko oowiineliwa?

aRooma 2:26 Iomraidhean Croise

Matheyo 15:28

Yeesu aamwaakhula: “Muthiyana, ntokotoko nri nroromelonanyu. Okhale ntoko munghaawelaanyu.” Ni ehuhuweene yeele mwanawe aalamihiwa.

aRooma 2:25

Wiineliwa onkhala wootthuneya nyuwo mwiiwelelaka nlamulo, mene nyuwo mwaahiiwelela nlamulo, wiineliwawanyu woothatuwa ohiineliwa.

aRooma 2:27

Yoowo ori oohiineliwa mweerutthunimwawe, mene oniiwelela nlamulo, anoothoriheni nyuwo muhiniiwelela nlamulo, hata mureeneno nlamulo noolempwa nitho wiineliwa mweerutthunimwanyu.

aRooma 3:30

woonaka weera Muluku ori mmoha paahi, anaawaakhulele oowiineliwa nitho oohiineliwa niwoko na nroromelo nenenenno.

aRooma 8:4

weera soonyesereriha sa ekhaikhai sa nlamulo sikwaniheraxeke mwa hiyo nihinkhala munkhaleloni wa erutthu, mene wa Munepa.

aGalata 6:15

Vano, etthu entthuneya kheehiyono wiineliwa, hoye hoye ohiineliwa, mene aani, okhala ephattuwelo enyowani.

awEfeso 2:11

Tivawo, muupuweleke weera khalayeene mwaari amalapo a eyareliwaanyu, ni mwiitthaniwa ‘oohiineliwa’ ni yaawo aniixiitthana ‘oowiineliwa,’ etthu epakiwe mweerutthuni ni matata a atthu.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

aKolosi 2:11

Mwa Yoowo nyuwo mohiineliwatho, khoohiyono wiineliwa ompakiwa mweerutthuni, mene wiineliwa opakiwe ni Kristu, mwa weiwo ori oruliwa wa mukhalelo wootthekeya wa erutthu.

Yoxuwa 5:5

Ootheene yaakhummewo yaahiinelasiwa, vaheera ootheene yaayarelingwe munikareni mmukwahani okhummwaleene wExipitu khayiinelasiwe.