aRooma 2:2 - Emakhuwa Bible

² Noosuwela weera nthorihelo na Muluku wa yaawo ampaka itthusene seiyo nri na ekhaikhai.

aRooma 2:2 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Yobi 34:23

Wa Muluku khoontthuneya ehuhu yincipale weera aaphime atthu ni aaronghe vamaithoniwawe weera aathorihe.

Icipo 145:17

Yave ti oororomeleya mphironimwawe moothemwene, asivelaka sootheene ompakaawe.

Icipo 9:4

Mohaakiha mulattwaaka wa ekhaikhai; mookilaathela ehicaanyu muthorihaka ni ekhaikhai.

Icipo 96:13

Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.

Icipo 98:9

seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.

Yesaya 45:19

Nkuulumme muxiirini, mweelaponi yoosareya epiphi; nkeerenle ekhapira ya Yakobe: ‘Mukaasaase wa siiyo.’ Miyo, Yave, kinuuluma ekhaikhai, Miyo kinghima yeeyo eri ya ekhaikhai.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Ezekiyeli 18:25

Wa soothesene, nyuwosa muneera: ‘Ephiro ya Yave kheeroromeleiye.’ Ii! Muloko wa oYixrayeli, mwiiwe: Ephirowaaka ti yoororomeleya. Ti iphirosanyu siri soohiroromeleya.

Ezekiyeli 18:29

Wa soothesene muloko wa oYixrayeli oneera weera ephiro ya Yave kheeroromeleiye. Ii! aYixrayeli, munuupuwela weera ephirowaaka kheeroromeleiye? Ti ephirowaanyu eri yoohiroromeleya.

Daniyeli 4:37

Vano miyo, Nebukadenezari, kinimuttottopela, kinimuttittimiha ni kinimvuwiha Mwene a wiirimu, niwoko sootheene ompakaawe ti sa ekhaikhai ni iphirosawe sootheene ti sookwanela. Owo ongwera wayeviha ootheene aneetta moota woowiixoona.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

Miteko 17:31

Aakhaliha nihuku nimoha Owo aneeraawe athorihe elapo ni ekhaikhai mwa Mulopwana omuthanlalaawe. Ni ohoonihera yeeyo wa omutthu wootheene, woomuvenyereriha Mulopwana Owo.”

aRooma 2:1

Tivawo, nyuwo munaathoriha akina muri oohileveleleya, niwoko muniittaruxa mwaneenaanyu mwa yeeyo munthorihaanyu, woonaka weera nyuwo munthoriha, mumpakatho itthusene seiyo.

aRooma 2:3

Hiiho, nyuwo muri mutthu, mwathoriha mpakakatho itthusene seiyo, munuupuwela weera mmoopowe nthorihelo na Muluku?

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

aRooma 9:14

Vano, nneereke hai? Apaale Muluku khankhala ni ekhaikhai? Hata vakhaani!

Ethupululo 16:5

Vano kaamwiiwa ndyelo aarino ikuru sa maahi ootheene, eeraka: “Othorihawanyu ti wa ekhaikhai, Nyuwo muri ni mwaari, Ootteela,

Ethupululo 19:2

niwoko nthorihelonawe nri na ekhaikhai ni noororomeleya. Owo oomuthoriha puuta mutokweene onanaringhe elapo ya vathi ni oraruwawawe. Aahiinlela ikuhu ephome ya arumeiyaawe.”