aRooma 2:12 - Emakhuwa Bible

¹² Khula mutthu onttheka ahikhalanaka nlamulo, anaariheyetho oohikhalano nlamulo, ni khula mutthu onttheka asuwelaka nlamulo, anaathorihiwe ni nlamulo.

aRooma 2:12 Iomraidhean Croise

Matheyo 11:22

Miyo kinooleelani: nihuku na othorihiwa nnikhale nootepaxa wa weyo opwaha oTiro ni oSidoni.

Matheyo 11:24

Miyo kinooleelani: nihuku na othorihiwa nnikhale nootepaxa wa weyo opwaha oSodoma.”

Yohaane 19:11

Yeesu aamwaakhula: “Nyuwo khamwaakhalano hata vakhaani ikuru ni Miyo mwahaavahiwe ikuru iyo wa wiirimu. Tivawo yoole okivaherenre wa nyuwo ookhalano nthowa na yoottheka yoowoopwahani nyuwo.”

Miteko 2:23

Muluku aalakela ni aalamulela khalayi weera Mulopwana Owo muvahereriwaanyu nyuwo ni ekhavihero ya atthu ootakhala. Vano mwaamwiiva, munkhomelaka vamuttandani.

aRooma 1:32

Hata esuwelaka nlamulo na Muluku, weera atthu ampaka itthu iyo amphwanela okhwa, khoohiyono ampwaherera opaka yeeyo paahi, menetho angwaakhulela yaale akina ampaka seiyo.

aRooma 4:15

Nlamulo ninruwera isara, ni weiwo nihikhanlaayawo nlamulo, khoowowo otakhaliwa.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

1 aKorinto 9:21

Kiri mweeraru miyo kihikhanle neethi a nlamulo na Muluku, mene kiri vathi wa nlamulo na Kristu, kohiipaka ntoko oohikhala ni nlamulo wa yaawo ahikhanle ni nlamulo, weera kaawine yaawo.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

Deuteronomiyo 27:26

“Oolaphiwa ti yoowo anaaheettele masu a Nlamulo nna.” Vano muloko wootheene weereke: “Ame!*”

Yakobe 2:10

Vano, yoowo oniiwelela nlamulo nootheene, mene onkwattula ni mpatta mmoha paahi wa nenno, anaakhale ni milattu ntoko khiiwelenle nlamulo nootheene.