aRooma 15:7 - Emakhuwa Bible

⁷ Tivawo, mwaakhulelaneke mukina ni mukhwaawe mooteene yoowo ntoko Kristu owaakhulenlaaweni, weera Muluku avuwihiwe.

aRooma 15:7 Iomraidhean Croise

Matheyo 10:40

Yoowo ongwaakhelelani nyuwo, onkaakhelela Miyo, ni yoowo onkaakhelela, ongwaakhelela Yaawo akirumihale.

Marku 9:37

“Yoowo ommwaakhela mwaana mmoha ntoko ola mwa Nsinanaka, onkaakhela Miyo. Ni yoowo onkaakhela Miyo, khankaakhela Miyo, mene Yaale akiruminghe.”

Luuka 15:2

Mene aFarisi* ni anamawera a nlamulo* yaattaandawula yeeraka: “Mulopwana Ola ongwaakhela anamattheka ni onca ni yaawo.”

Luuka 9:48

Vano aaweerela: “Mutthu ommwaakhela mwaana ola mwa Nsinanaka, onkaakhelatho Miyo. Ni yoowo onkaakhela Miyo, ommwaakhelatho Yoole okiruminghe. Vano, yoole oyevanxe variyariwanyu, anaakhale mutokweene.”

Yohaane 13:34

Kinoovahani nlamulo nnyowani: weera musivelaneke. Ntoko Miyo koosivelaakani nyuwo, ontthuneya weera mooteene yoowo nyuwotho musivelaneke.

Yohaane 6:37

Ootheene Atiithi ankivahaaya, eniiwe wa Miyo. Ni yoole anaawe wa Miyo, nkiwa kimoomola.

aRooma 15:9

Hiiho amalapo emvuwihe Muluku niwoko na ikhararisawe, ntoko elempwalaaya: “Tivawo, miyo nkoottottopeleni variyari wa amalapo, ni nkiipe icipo wa Nsinananyu.”

aRooma 5:2

Mwa Yoowo noophwanya ovolowa wa mahala ala niwoko na nroromelo, mahaleene yaale mwa yaawo hiyo nri oolipeene. Hiyo ninnahakalala moowehererani wa ovuwa wa Muluku.

awEfeso 1:12

weera hiyo nri oopacera omuroromela Kristu, nikhale ottottopela wa ovuwawawe.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

aKolosi 3:13

Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani.