aRooma 15:31 - Emakhuwa Bible

³¹ Mukivekeleleke miyo weera kivuluxiwe wa oohiroromela a oYudeiya, ni weera mutekwaaka wa oYerusaleemu okhale woowaakhuleleya wa ootteela,

aRooma 15:31 Iomraidhean Croise

Miteko 22:24

ni mutokweene a anakhotto aalamulela weera Pawulo aronghiwe mukwarteli, awaxuliwe ni akohakohiwe weera amusuwelihe niwoko na heeni atthu yaamukhuwelelaaya moota ole.

Miteko 25:2

yaarwiyaaya ahooleli a asaserdoti* ni aYuda oottittimiheyaxa vahoolowawe, emooniheraka soomootherasaya Pawulo.

Miteko 25:24

Vano Festo aaheera: “Mwene Agripa ni atthu ootheene ari va ni hiyo, mmoone mulopwana ola! aYuda ootheene a wenno ni a oYerusaleemu yannakivekela mwaha wa ola, ekhuwelaka weera owo khaphwanenletho okhala ni okumi.

Miteko 9:13

Ananiya aawaakhula: “Apwiya kohiiwa itthu sincipale sa mulopwana owo ni sa soonanara sootheene owo onaapakelaawe ootteelaanyu ari oYerusaleemu.

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

aRooma 15:25

Wa soothesene, vano kinoorowa oYerusaleemu weera kaakhaviherewo ootteela,

1 aKorinto 16:15

Nyuwo moosuwela weera yaawo a vaate wa Stefana yaari aKristu oopacera a wAkhaya, ni weera awo yaahiiveleela waarumeela atthu ootteela. Kinoovekelani axunna

2 aKorinto 1:10

Owo oonoopola wa woopiha otokotoko wa okhwa, ni anaapwaherere onoopola. Ninnimuroromela Yoowo weera anaapwaherere onoopola,

2 aKorinto 8:4

awo yaanidyoonttelela, eninyesereraka weera ekhale vamoha mmutekoni owo woowaakhavihera ootteela.

2 aKorinto 9:1

Khoontthuneya miyo woolepelani mwaha wa ekhavihero ela wa ootteela.

2 aKorinto 9:13

Niwoko na wooneya muteko ola, akina eniimvuwihe Muluku mwaha wa wiiwelela munlapaanyu mwaha wa masu ooreeraxa, ni niwoko na ekhaviherowaanyu etokotoko mwaavahaka yaawo ni akina ootheene.

1 aTesalonika 2:15

mwa yaawo yaawiivale Apwiya Yeesu ni maprofeeti, nitho yaanisoondale hiyo. Awo khaanimusiveliha Muluku ni ari amwiittana a ootheene,

2 aTesalonika 3:2

Muvekeletho weera hiyo nivuluxiwe wa atthu ooriheya ni oonanara, niwoko khaahiyono ootheene anroromela.

2 Timootheyo 3:11

woosuwelatho osoondiwawaka, ohaawawaka, seiyo saakikhumelenle wAntiyokhiya, wIkoniyo ni oListra. Hapo koovilela osoondiwa! Apwiyatho aakivuluxa wa itthusene seiyo sootheene.

2 Timootheyo 4:17

Apwiyatho yaari ni miyo ni aakivaha ikuru weera mutthenga olaleiwe nnenesene ni miyo, ni weera amalapo ootheene yiiwe owo. Ni miyo koovuluxiwa mmwaano mwa mwatto.