aRooma 15:16 - Emakhuwa Bible

¹⁶ okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aRooma 15:16 Iomraidhean Croise

Nuumeru 7:62

nipoottoro na eyuuma yoorikaxa na ixekeli* muloko, noosareya erubani*;

Miteko 13:2

Yaalapaka Apwiya ni etthukaka, Munepa Wootteela waaweerela: “Mukimwalamwalihere Barnaba ni Sawuli wa muteko Miyo kiwiitthanenlaaka.”

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 20:32

Vano miyo kinoovahererani wa Muluku ni wa masu a mahalaawe. Masu ala anoowera woopuhihani ni woovahani yoohiyeriwa* vamoha ni ootheene yaawo ari ootteelihiwa.

Miteko 22:21

Vano Apwiya yaakeerela: ‘Murowe, Miyo nkoorumiheni ottaiwene, wa amalapo.’”

Miteko 9:15

Apwiyatho yaamweerela Ananiya: “Muroweke, mulopwana owo ti exaavaaka yoothanliwa weera ekuxe Nsinanaka wa amalapo, mamwenaaya ni wa muloko wa aYixrayeli.

aRooma 1:1

Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa.

aRooma 11:13

Kinuuluma ni nyuwo amalapo. Keenre kikhalaka murummwa wa amalapo, kookhalano nttittimiho nincipale mmutekonimwaka,

aRooma 15:18

Nkinuuluma masu makina, ohikhanle othalihera yeeyo Kristu owenraawe aweettihaka amalapo omwiiwelela Muluku niwoko na maswaaka ni mutekwaaka.

aRooma 15:19

Eyo eweriwe ni ikuru sa ineneero ni sootikhiniha, nitho niwoko na ikuru sa Munepa Wootteela. Hiiho, okhuma oYerusaleemu ni mukhwipimwaya mpaka wIliriku, koolaleiya nnenesene masu ooreeraxa a Kristu.

aRooma 15:20

Mahuku ootheene kaatthuna olaleiya masu ooreeraxa weiwo Kristu nlelo ahaasuweliwaawe, moota wooweera kihiteke vasulu wa mathipelo a mukina.

aRooma 15:29

Koosuwela weera karowa wooxekurani, nkirowe mwa waatta wa mareeliho a Kristu.

aRooma 5:5

Ni oweherera wu khaninrowa wooceela, niwoko Muluku ooniyeehera osivelawawe mmurimanimwahu ni Munepa Wootteela Owo onivanghaawe.

1 aKorinto 3:5

Woomaleloni, nneereke Apolo taani? Pawulo taani? Ari arumeiyi paahi, yookhavihenreni ororomela. Ni awo ooweeli aapaka yeeyo Apwiya yaarumalaaya paahi.

1 aKorinto 4:1

Vanonto, atthu yuupuweleke weera nri arumeiyi a Kristu ni noovahereriwa matikhinelo a Muluku.

1 aKorinto 6:19

Khamusuwenle weera erutthwaanyu ti empa ya Munepa Wootteela? Mohaakhela Owo wa Muluku, ni onkhala mwa nyuwo. Tivawo nyuwo khamuhiyono a nyuworu.

2 aKorinto 11:23

Yakhala arumeiyi a Kristu (miyo kinuulumaxa ntoko naanepa!), miyo kohaapwahaxa! Miyo kootepa ovaraxa muteko, koowalelaxiwa mukaliposo imaara sincipale, kootepaxa owaxuliwa ni ekwamba, ni imaara sincipale kaari ngwoopihani wa okhwa.

2 aKorinto 5:20

Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku.

2 aKorinto 8:5

Ni khayaapanke paahi yeeyo naaweherenraahu, mene yaahiixinnyerera toko wa Apwiya, ni vahoolowaya wa hiyotho ntoko Muluku ontthunaawe.

aGalata 3:5

Yoowo onoovahani Munepa ni ompaka sootikhiniha variyari wa nyuwo, ompaka iyo niwoko muniiwelela malamulo, hoye hoye niwoko moororomela yeeyo mwiiwalaanyu?

awEfeso 2:18

Vano, niwoko na Yoowo, ooweeli hiyo nookhalano evolowelo wa Atiithi mwa Munepa mmoharu.

awEfeso 2:22

Mwa Yoowo nyuwotho muntekiwa vamoha weera muthatuwe vaate wa Muluku mwa Munepaawe.

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.

1 aTesalonika 2:2

Naari mweeraru nihasuliwaka ni niruwaniwaka oFilipi, ntoko musuwenlaanyu, naalipiha murima ni ekhavihero ya Mulukwaahu, woolaleerani masu ooreeraxa a Muluku variyari wa wiittana wincipale.

1 aTesalonika 2:9

Axunna, vekhaikhai munuupuwelela mitekosahu ni okhulumuwawahu. Nannavara muteko ohiyu ni othana weera nihikhale oomulemela mutthu, hiyo noolaleerakani masu ooreeraxa a Muluku.

1 aTesalonika 5:23

Muluku muneenaawe a murettele ootteeliheni woowaatta. Munepaanyu, okumaanyu ni erutthwaanyu yootheene ethokororiwe woohikhala malepa moorwaani wa Apwiyaahu Yeesu Kristu.

1 Timootheyo 1:11

Nihusiho nna ninxuttiha sa masu ooreeraxa oovuwa a Muluku ooreelihiwa, mwa yaawo Owo okivaherenraawe.

1 Timootheyo 2:7

Wa yeeyo kookhalihiwa namalaleiya ni murummwa, muhusiha a nroromelo na ekhaikhai wa amalapo. Kinghima ekhaikhai – nkinootha.

2 Timootheyo 1:11

Miyo kookhalihiwa namalaleiya, murummwa, ni muhusiha a masu ooreeraxa ala.

aHeberi 13:16

Muhittiwale opaka yooreera, naari okawana, niwoko Muluku onghakalalela sooveleela ntoko iyo.

1 Pedru 1:12

Muluku aawoonihera weera mutthenga yaalaleiyaaya, khawaahiyono wa asineenaaya, mene wa nyuwo. Awo yaahuuluma sa itthu nyuwo mwiiwalaanyu vaanaanova wa anamalaleiya a masu ooreeraxa, mwa yaawo yuulumale ni Munepa Wootteela orumihiwe wiirimu. Siri itthu mpaka andyelo antthunaxaaya osuwela.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.