aRooma 15:1 - Emakhuwa Bible

¹ Hiyo nri oolipa, ontthuneya ovilela soohilipa sa oohilipa, ni nihaasaasaka yeeyo ennisiveliha.

aRooma 15:1 Iomraidhean Croise

aRooma 14:1

Mmwaakhele yoole ori oohilipa munroromeloni, muhimvaanyaka soowuupuwelasawe.

aRooma 14:2

Mukina onroromela weera onoowera oca soothesene, vano mukina ori oohilipa munroromeloni onca paahi yooca yoolimmwa.

aRooma 4:20

Hata hiiho owo khaahovenle ni ohiroromela mwaha wa yoororomelihiwa ya Muluku, mene aalipiheriwa munroromeloni ni aamvuwiha Muluku,

1 aKorinto 4:10

Hiyo anaanepa niwoko na Kristu, vaheera nyuwo muri asuweli mwa Kristu! Hiyo nri oohilipa, vaheera nyuwo oolipa. Nyuwo muri oottittimihiwa, vaheera nri ooramusiwa.

1 aKorinto 9:22

Wa yaawo oohilipa, kohiipaka ntoko oohilipa weera kaawine oohilipa. Kohiipaka sootheene wa ootheene weera ni mikhalelo sootheene mano kaavuluxe akina.

2 aKorinto 12:10

Tivawo, niwoko na osivela wa Kristu, kinghakalalela moohilipanimwaka, mooruwaniwani, moohaawani, moottharatthariwani, ngweeteteyani, niwoko kaahilipaka, miyo koolipa.

awEfeso 6:10

Vanonto, mwiilipihe mwa Apwiya ni mwa ikurusaya sitokotoko.

aFilipi 2:4

Khula mutthu a nyuwo ahaasaaseke sooreerasawe paahi, mene sooreera sa akinatho.

1 aTesalonika 5:14

Ninoodyoonttelelani nyuwo, axunna: ngwooperere atthu ooreesi; mwaalipihere yaawo oohilipa; mwaakhavihere ookhulumuwa; mwaavilele ootheene.

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

1 Yohaane 2:14

Anamwane miyo kohoolepelani, niwoko mohaasuwela Atiithi. Asitiithi, miyo kohoolepelani, niwoko moomusuwela Yoole ori okhuma ompacereroni mpaka vano. Amiravo, miyo kohoolepelani, niwoko nyuwo muri oolipa, ni Nsu na Muluku ninkhala mwa nyuwo, ni moongwina namatakhala.