aRooma 14:9 - Emakhuwa Bible

⁹ Ti niwoko nna Kristu aakhwenlaawe ni aavenyerenraawe: weera akhale Apwiya a akumi ni akhwiiye.

aRooma 14:9 Iomraidhean Croise

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Luuka 24:26

Khawaatthuneya weera Kristu ahaawe itthusene seiyo ni avolowe moovuwanimwawe?”

Yohaane 12:24

Miyo kinooleelani ekhaikhai weera enuku emoha ya etrigu yaahimorela vatthayani ni yaahikhwa, eniikhale emoha paahi. Yakhwatho, eniyiime soowiima sincipale.

Miteko 10:36

Nyuwo moosuwela mutthenga orumihiwe ni Muluku wa muloko wa aYixrayeli, onuuluma sa masu ooreeraxa a murettele mwa Yeesu Kristu, Apwiya a ootheene.

Miteko 10:42

Owo aanirumihale olaleera muloko wa atthu ni okhalela onamoona weera Owo ti Yoowo Muluku aamukhalihalaawe Mphuki a akumi ni akhwiiye.

aRooma 10:9

Nyuwo mwalapa ni eyanowaanyu weera Yeesu ti Apwiya ni mwaroromela ni murimaanyu weera Muluku aamvenyereriha mookhwaani, nyuwo munoovuluxiwa,

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

1 aTesalonika 4:14

Naroromela weera Yeesu ohookhwa ni oovenyerera, ninoororomelatho weera Muluku onimwaaruuha vamoha ni Yeesu yaawo akhwiiye mwa Yoowo.

1 aTesalonika 5:10

Awo anikhwenle hiyo weera, hata nivenyaka, hata nikonaka, nikhale vamoha ni Yaawo.

2 Timootheyo 4:1

Vamaithoni wa Muluku ni wa Kristu Yeesu, oneeraawe aathorihe akumi ni akhwiiye, ni kuupuwelelaka wooniherawawe ni omwenaawe, kinoodyoonttelelaxa:

aHeberi 12:2

ningwehexexaka Yeesu ori ompacereroni ni ommaleloni wa nroromelonahu. Owo aavilela muttanda, aramusaka wuulihawaya muru, asuwelaka ohakalala waamuweherera. Vano ori ekilaathelo moono mulopwana wa ehice ya Muluku.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Pedru 4:5

Wa soothesene, awo eniimwaakhule Yoole ori oolikana weera aathorihe akumi ni akhwiiye.

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.

Ethupululo 2:8

“Wa ndyelo a ekerexa eri oSmirna, mulepe: Awo ari masu a Yoole ori Oopacera ni Oomalihera, Yoole aakhwiiye, ni vano ori ni okumi.