aRooma 14:2 - Emakhuwa Bible

² Mukina onroromela weera onoowera oca soothesene, vano mukina ori oohilipa munroromeloni onca paahi yooca yoolimmwa.

aRooma 14:2 Iomraidhean Croise

Epacerero 1:29

Muluku aaheera: “Moone, kinoovahani nyiri sootheene simvaha mmiso ni nyiri sootheene siniima soowiimasaya ni inukusaya. Iyo nsikhale soocasanyu.

Epacerero 9:3

Itthu sootheene sirino okumi nsikhale yoocaanyu. Hiiho ntoko koovanghaakani soowiima weera muce, hiihotho kinoovahani itthu sootheene.

Masu a Miruku 15:17

Fataari oca mapoonda oraayawo osivela, ohikhanle emombe yooneneva oreenewo othanyana.

Daniyeli 1:12

"Dyoontte, ngwoote murima arumeiyaanyu wa mahuku muloko: Munivahe mapoonda paahi weera nice ni maahi oowura.

Daniyeli 1:16

Tivawo namalipelela aavenxalaawe sooca ni eviinyu yaathanliwe ni mwene, anaavaha mapoondaru.

aRooma 14:1

Mmwaakhele yoole ori oohilipa munroromeloni, muhimvaanyaka soowuupuwelasawe.

aRooma 14:14

Ntoko mukina ori mwa Apwiya, kooviriyeliwaxa weera kheewo yooca eri yoohitteela mwaneenaayaru, ohikhanle wa mukina onuupuwela weera ti yoohitteela. Vano wa yoowo ti yoohitteela.

aRooma 14:20

Muhiphwate muteko wa Muluku niwoko na yooca. Yooca yootheene ti yootteela, mene ti yoonanara oca yakhalaru etthu enaakwattuliha akina.

aRooma 15:1

Hiyo nri oolipa, ontthuneya ovilela soohilipa sa oohilipa, ni nihaasaasaka yeeyo ennisiveliha.

1 aKorinto 10:25

Muceeke sootheene sinthumihiwa omerekadu, muhihovelaka etthu niwoko na ohovela wa mmurimanimwanyu,

1 aKorinto 8:9

Wa soothesene, mwiipasoope weera oneethaanyu owo ohithatuwe etthu yoowaakwattula atthu oohilipa.

1 aKorinto 9:22

Wa yaawo oohilipa, kohiipaka ntoko oohilipa weera kaawine oohilipa. Kohiipaka sootheene wa ootheene weera ni mikhalelo sootheene mano kaavuluxe akina.

aGalata 2:12

Vano, ehinaaye ophiya akina wa Yakobe, owo aaca ni atthu oohikhala aYuda. Yaaphiyalaaya, aasusa ni aamwalamwala ni atthu oohikhala aYuda, awoovaka atthu oowiineliwa.

1 Timootheyo 4:4

Vano, sootheene Muluku opattuxalaawe ti sooreera, ni khasintthuneya okhootta itthu saakheliwa ni otthapela,

Titu 1:15

Wa ootteela, sootheene siri sootteela, mene wa oohitteela ni oohiroromela kheewo eri yootteela. Mwa yeeyo, soowuupuwela nitho mirimasaya siri soonanarihiwa.

aHeberi 13:9

Muhikuxiwe ni makhalelo a mahusiho ootheene oohiyanahiyana a amalapo. Ti wooreera weera murimaahu olipihiwe ni mahala, ohikhanle ni yooca, mwa yeeyo ehingwera waapuhiha yaawo anca.

aHeberi 9:10

woonaka weera saapwatthela paahi sooca, soowura, miteko soohiyanahiyana sa orapiha ni maahi, malamulo oomokoni soolamuliwa paahi, mpaka ehuhu ya wiiraana onyowani.