aRooma 14:17 - Emakhuwa Bible

¹⁷ Omwene wa Muluku khoohiyono yooca, naari yoowura, mene waakhuleliwa, murettele ni ohakalala mMunepani Wootteela,

aRooma 14:17 Iomraidhean Croise

Yesaya 32:17

Yoowiima ya ekhaikhai eniikhale murettele; emalihero ya ororomeleya eniikhale mmaaleleyo ni nroromelo wa mahuku ootheene.

Yesaya 45:24

Awosa eniyeere sa Miyo: ‘Ekhaikhai ni ikuru siri mwa Yave paahi.’” Ootheene animuthanya anoorowa wa Yoowo ni animuulihiheya muru.

Yesaya 55:12

Munookhuma moohakalalani ni munoohooleliwa mmuretteleni; nyaako ni mattumuxa anoopacera wiipa ohoolowanyu ni nyiri sootheene sa ntuphini sinimwiipa makuphi.

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Luuka 14:15

Iiwaka yeeyo, mmoha a yaawo yaari vameesa vamoha ni Yeesu, aamweerela: “Ooreelihiwa yoole aneera ace yooca moomweneni wa Muluku.”

Yohaane 16:33

Miyo kooleenleni itthu iya weera mukhalane murettele mwa Miyo. Mweelaponimu mmwikhaleno soohooxa, wa soothesene, mulipihere murima. Miyo koowina elapo ya vathi.”

Yohaane 3:3

Yeesu aamwaakhula: “Kinooleelani ekhakhai: khaawo ongwera woona omwene wa Muluku owo ahiyariwetho wa osulu.”

Yohaane 3:5

Yeesu aamwaakhula: “Kinooleelani ekhaikhai: khaawo ongwera ovolowa moomweneni wa Muluku owo ahiyariwe wa maahi ni wa Munepa.

Miteko 13:52

Oohusera yaapwaherera esareiyeene ohakalala ni Munepa Wootteela.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

aRooma 15:13

Muluku a nroromelo oosariheni ni ohakalala ni murettele wootheene nyuwo munroromelaka Yoowo, weera mwaatte munroromeloni niwoko na ikuru sa Munepa Wootteela.

aRooma 8:6

Muupuwelo wa erutthu yootthekeya onruuha okhwa, mene muupuwelo oneettihiwa ni Munepa onruuha okumi ni murettele.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 4:20

niwoko omwene wa Muluku khoohiyono wa masu, mene wa ikuru.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

1 aKorinto 8:8

Vanonto, yooca kheennitatuxa oowaakhuleleya ohoolo wa Muluku. Khaninkhala ootepaxa hiyo naahica, hata ooreeraxa hiyo naca.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aGalata 5:22

Vaheera yoowiima ya Munepa ti osivela, ohakalala, murettele, opixa murima, waahelela akina, murima wooreera, ororomeleya,

aFilipi 2:1

Vano, Kristu oolipiha mirimasanyu; osivelawawe woowoovahani opepesa; nyuwo mookhalano wiiwanana ni Munepaawe, mookhalano osivela ni ikharari,

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

aFilipi 4:4

Muhakalale mwa Apwiya, kinoophitelatho: muhakalale!

aFilipi 4:7

Ni murettele wa Muluku ompwaha soowuupuwela sootheene onuuthokorore mirimasanyu ni soowuupuwelasanyu mwa Kristu.

aKolosi 1:11

Nimvekelatho weera nyuwo muthatuwe oolipa ni ikuru sootheene niwoko na ikuru sa ovuwawawe weera muvilele sootheene ni oweherera ni ohakalala,

1 aTesalonika 1:6

Mwa yeeyo, nyuwo moothatuwa anamatakihaahu, ni a Apwiya. Waarookhalaru ohaawa wincipale, nyuwo mwaahaakhela masu a Muluku ni ohakalala onrweela wa Munepa Wootteela.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

aHeberi 13:9

Muhikuxiwe ni makhalelo a mahusiho ootheene oohiyanahiyana a amalapo. Ti wooreera weera murimaahu olipihiwe ni mahala, ohikhanle ni yooca, mwa yeeyo ehingwera waapuhiha yaawo anca.

1 Pedru 1:8

Hata muhimoonaka, nyuwo munimusivela, ni, naamwi muhimoonaka vaanaano vaava, nyuwo munimuroromela. Eyo enooruuhelani ohakalala otokotokoxa woohiwereya othaliha,

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu: