aRooma 14:13 - Emakhuwa Bible

¹³ Tivawo, nihiyeke othorihana mukina ni mukhwaawe. Mulakele toko weera muhiikaathi nluku nookwattula, naari etthu enooceeliha mphironi ya munninyu.

aRooma 14:13 Iomraidhean Croise

2 Samuweli 12:14

Wa soothesene, mweenre munruwana Yave, mwaninyu mulopwana onimookhwa.”

Yesaya 57:14

Ni enimweeriwa: “Muthatawalihe, muthatawalihe, mureherere musewe, mvenxeke ikuttelelo mphironi mwa mulokwaaka.”

Ezekiyeli 14:3

“Mwaana a mutthu, atthu ala aheemexa miluku mmirimanimwaya, yiikaatheraka sookwattula sootakhala vamaithoniwaya xaxaxa. Heeni kintthuneyaaka waatthunihera okaasa?

Levitiku 19:14

Muhimulaphe oohiiwa hoye hoye muhimwiikaathere nluku nninkwakwathula oohoona, mene mmoove Mulukwaanyu. Miyo ti Yave.

Matheyo 16:23

Yeesu aarukunuwa ni aamweerela Pedru: “Osuseke wa miyo, Satana! Weyo ti nluku ninkikwattula, ni khoonuupuwela itthu sa Muluku, mene sa atthu.”

Matheyo 18:7

Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo!

Matheyo 7:1

Muhaathorihe akina weera nyuwo muhithorihiwe.

Luuka 12:57

Niwoko heeni muhinthorihaanyu muneenaanyu yeeyo eri ya ekhaikhai?

Luuka 17:2

Waari fataari weera yoole avonyeriwe mphareiyani atthukeleliweene nxilo vaxiko, ahinaaye owo omtthekiha mmoha a asikhaani ala.

aRooma 11:9

Ni Davide eenre: “Weera meesaaya ethatuwe ntthavi ni muraakho, nluku nookwattula ni noottaruxa.

aRooma 14:10

Vanonto, heeni munimuthorihaanyu munninyu? Naari heeni munimuramusaanyu munninyu? Ootheene hiyo nneemele ohoolo wa ehice ya nthorihelo ya Muluku,

aRooma 14:3

Yoole onca soothesene ahimuramuseke yoole ohinca, ni yoole ohinca soothesene ahimuthoriheke yoole onca, niwoko Muluku ommwaakhelela.

aRooma 14:4

Nyuwo taani oomuthoriha murumeiyi a mukina? Ti Apwiyaawe anlakela owo awera weemela naari wuuwa. Ni aneemele, niwoko Apwiya angwera omweemexa.

aRooma 16:17

Kingwoopererani nyuwo, axunna, weera mwiipasoope wa yaale anruuhela ohiiwanana ni angwooceelihani mwa nihusiho nyuwo mwaakhenlaanyu. Mususe wa yaawo.

1 aKorinto 10:32

Mweette mooteene yoowo weera muhikwakwathuwe, hata aYuda, hata aGrego, hata ekerexa ya Muluku.

1 aKorinto 11:13

Muthorihe: onootthuneya wa muthiyana omvekela Muluku ni muru woohikhuneeliwa?

2 aKorinto 5:14

Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa.

2 aKorinto 6:3

Khanimukwattuliha akhalaru mutthu mwa yakhalaru etthu, weera mutekwaahu ohiramusiwe.

aFilipi 1:10

weera musuwele yeeyo eri yooreera yoopwaha ni weeratho mukhale ootteela ni woohikhala malepa mpaka nihuku na Kristu.

1 Timootheyo 5:14

Tivawo kinaalakaaka asinaamukhweli oohuuluvala weera ethelane, yaayare anamwane, ni yeettihe vaatewaya ehimvahaka nthowa na oveiha namwiittana.

Yakobe 2:4

vano mweera hiiho, khamumpaka nthalu muthorihaka ni soowuupuwela soonanara?

Yakobe 4:11

Axunna, muhaapaneke mukina ni mukhwaawe. Yoowo onuuluma soonanara sa munneiye, hoye hoye omuthoriha, onuulumela nlamulo ni onthoriha nno. Mwaathorihaka nlamulo, khamunkwanihera nenno, mene muniikhaliha ntoko mphuki a nenno.

1 Yohaane 2:10

Yoowo onimusivela munneiye onkhala ngwaarani, ni mwa yoowo khaniwowo nthowa na okwattuliha.

Ethupululo 2:14

Wa soothesene, kookhalano soowoohimahimani sikina nyuwo: Nyuwo mookhalano iwo atthu antthara mahusiho a Balaami, mwa yoowo aamuxuttihale Balaki waareiya muraakho aYixrayeli weera ece sooca sooveleeleliwa miluku sikina, ni weera epake olavilavi.