aRooma 12:3 - Emakhuwa Bible

³ Vano, ni mahala kivahiwaaka, kinooleelani ootheene nyuwo weera muhiixooneke woopwaha ontthuneyaaya. Ohiyanawaya, mukhale oohiixoona. Khula mutthu iiwehaweheke ni muringo wa nroromelo Muluku oovanghaaweni.

aRooma 12:3 Iomraidhean Croise

Masu a Miruku 25:27

Ocaaxa oravo khoonreera, naari khoonttittimiheya waasaasa nttittimihonanyu muneenaanyu.

Masu a Miruku 26:12

Nyuwo mummoona mukina oniihelano onamiruku? Mulolo ookhalano oweherera ompwaha yoowo.

Namalaleiya 7:16

Muhikhalaxe oororomeleya hata muhaattanaxe miruku; mmwiiphwatele heeni?

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Luuka 18:11

muFarisi*, eemenleene, aahiivekelela muneenaawe: ‘Muluku, kinootthapelani niwoko miyo nkihiyono ntoko atthu akina: anamwiiya, ootakhala, anamararuwa, hata ntoko namaliviha a musoko ola.

Yohaane 3:34

Vano, Yoole Muluku omurummaawe, onuuluma masu a Muluku niwoko Owo onnavaha Munepa moota woohikhalano mwiinaano.

aRooma 1:5

Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele.

aRooma 11:20

Ti ekhaikhai. Wa soothesene, iyo soothikiliwa niwoko na ohiroromela, ni nyuwo munkhala munroromeloni. Muhiixunnuwihe, mene moove,

aRooma 11:25

Axunnaka, kintthuna weera musuwele nnenesene ntikhinelo nna weera muhiixoone: Wookhumelela wuuma murima wa akina a aYixrayeli mpaka okwanela waatta wa amalapo.

aRooma 12:16

Mukhaleke ni murima mmoharu mukina ni mukhwaawe. Muhikhale oowiixoona, mene mukhale oolikaneene mwiiwananaka ni atthu oohittittimiheyaxa. Muhiisuwele weera muri asuweli.

1 aKorinto 15:10

Vano, niwoko na mahala a Muluku miyo kiri yeeyo kiraaka, ni mahalaawe wa miyo khayaahiyono a siiyo. Mwa yeeyo koovara muteko waapwaha yaawo ootheene, wa soothesene nkihiyono miyo, mene mahala a Muluku yaari ni miyo.

1 aKorinto 3:10

Mwa mahala a Muluku okivanghaawe, miyo kaapaka mathipelo ntoko namateka oosuwela, ni mukina onteka vasulu wa yaawo, mene khula mutthu awehexexeke nnenesene matekelo oneeraawe.

1 aKorinto 7:17

Vanonto, khula mutthu apwaherere okhala moota Muluku onithoonyenraawe ntoko Owo onniitthanaawe. Nna ti nlamulonaka wa ikerexa sootheene.

2 aKorinto 10:13

Wa soothesene, hiyo khaniivuwiha woopwaha mwiinano wootthuneya, mene nnikotihe ovuwawahu mmwiinanoni wa muteko Muluku onivaherenraawe, mwa yoowo oniwoophiyereni mpaka nyuwo.

2 aKorinto 12:13

Moota heeni nyuwo mwaaraanyu ooyevaxa wa ikerexa sikina, ohikhanle mwa yeeyo weera miyo kahaatonkwaaka woolemelani? Mukilevelele wa yoohiloka eyo!

2 aKorinto 12:7

Koovahiwa mwiiwa mweerutthunimwaka, aani murummwa a Satana, weera okihasule, nitho okooceelihe wiivuwihaxa niwoko na wunnuwa wa soothupulula iye.

aGalata 6:3

Mukina iixuupuwela weera ti ootthuneyaxa ahikhanle, oniilokottha muneenaawe.

awEfeso 3:2

Vekhaihai nyuwo mohiiwa yuulummwaka ya ikuru miyo kivahiwaaka mwaha wa nyuwo niwoko na mahala a Muluku.

awEfeso 3:4

Vano, mwaasomaka, munoowera wiiwexexa osuwelawaka wa ntikhinelo na Kristu.

awEfeso 4:16

Ti mwa Yoowo erutthu yootheene enkhalaaya yoolipeene, ekumanihiweene ni mikumano sootheene, ni enunnuwaaya, nitho eniipuhihaaya mwaneenaaya moosivelani, mipatta sootheene sivaraka mitekosaya.

aFilipi 2:13

Vano, ti Muluku omvara muteko mwa nyuwo weera mutthune ni muwere otthunawawe wooreera.

aKolosi 1:29

Wa yeeyo miyo kimvara muteko kiwanaka ni ikuru sootheene simvara muteko mwa miyo.

aKolosi 2:13

Nyuwo mwaaraanyu ookhweene mootakhalani ni moohiineliwani wa erutthwaanyu, Muluku ohoohihimuxani vamoha ni Kristu. Owo oonilevelela sootakhala sootheene,

1 Timootheyo 1:14

Wa soothesene, mahala a Apwiyaahu kooriheliwa miyo moota woowaatta, vamoha ni nroromelo ni osivela ori mwa Kristu Yeesu.

1 Timootheyo 2:15

Vano, muthiyana anaavulixiwe woowaayara anamwane, owo akhala munroromeloni, moosivelani, mootteelani ni ngwiisuumaalihani.

1 Timootheyo 2:9

Mooteene yoowo kintthuna weera athiyana eware moota woophwanela, woohuuliwa muru ni woowiiyeviha, ehiiphwanelihaka ni mayihi ootthaviwa, hata ni eyuuma, naari maluku oorikaxa, naari ni ikuwo soorikaxa,

Titu 2:12

Awo annihusiha okhootta sootakhala ni soohaawela sa erutthu, ni weetta ni miruku, ekhaikhai ni murima wa omuluku ehuhuweene yeela,

Titu 2:2

Mwaaxuttihe anamuuluvala alopwana weera ekhale oowiiwehaweha, oottittimiheya, a miruku ni oororomeleya munroromeloni, moosivelani ni moovilelani.

Titu 2:4

Hiiho, awo anoowera waalaka asimwali oothelana waasivela asiiyaya ni anamwanaaya,

Titu 2:6

Mooteene yoowo, mwaalipihe murima amiravo weera ekhale a miruku.

Yakobe 4:6

Vano Owo onnivaha mahala matokotoko oopwaha. Tivawo Yoolempwa* yeenraaya “Muluku ti Mwiittana a atthu oowiixoona, mene omvaha mahala wa atthu oowiiyeviha.”

1 Pedru 1:13

Tivawo, mukhale oolikana mwa soowuupuwelasanyu. Muwehaweheke ni muweherere mahala muneeraanyu mvahiwe Yeesu Kristu ooniheriwaka.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

1 Pedru 4:7

Emalihero ya itthu sootheene yookhuveela. Tivawo, mukhale oowehaweha ni oowiisuumaaliha, weera muvekele.

1 Pedru 5:5

Mooteene yoowo, amiravo, ngwiiwelele asitokweene. Mukhale ootheene oowiiyeviha mukina ni mukhwaawe, niwoko “Muluku ti Mwiittana a oowiixoona, mene onaavaha mahala oowiiyeviha.”

1 Pedru 5:8

Muhule maithwaanyu a mmunepani ni muwehawehe, niwoko mwiittanaanyu, Diyabu*, oneetta oorukureerakani, ntoko mwatto oniipa, amwaasaka taani aneeraawe angwere omukhuura.

3 Yohaane 1:9

Kaalepenle ekerexa, mene Diyotrefesi, owo ontthunaxa okhala mutokweene a yaawo, khaatthuna onaakhelela.