aRooma 12:2 - Emakhuwa Bible

² Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela.

aRooma 12:2 Iomraidhean Croise

Ezera 10:11

Vano, mulape sootthekasanyu ohoolo wa Yave, Muluku a makholowaanyu ni mpake otthunawawe. Mmwalamwale ni miloko soowaattamana ni axaarinyu anamarwa.”

Icipo 119:103

Maswaanyu ti oosivaxa wa miyo; oocoocowaxa opwaha oravo.

Icipo 119:128

Tivawo kinoonelaaka ekhaikhai ikanosanyu sootheene ni kinthanyaaka khula ephiro yoonanara.

Icipo 119:174

Ii! Yave, kinghaawela ovuluxawanyu ni kinghakalalela Nlamulonanyu.

Icipo 119:72

Nlamulo na eyanowaanyu ti nootthuneyaxa opwaha eparatha* ni eyuuma yoorikaxa yootheene ya mulaponi.

Icipo 119:97

Ii! Moota ankisivelaaya malamulowaanyu! Miyo kintthokelela nihuku nenenno.

Icipo 34:8

Ngwehe ni moonelele weera Yave ti ooreeraxa; ooreelihiwa ti yoole onimutthawelela Yoowo.

Icipo 51:10

Ii Muluku! Mpattuxe murima wootteela mpuwamwaka ni mukirehererele munepa woohihoveleya.

Okhuma 23:2

Muhitthare yaatteliwe epakiwaka yoonanara. Nyuwo mwakhalela onamoona vantthekoni, muhivirikanyihe ekhaikhai mweerelaka osiveliha yaatteliwe.

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Ezekiyeli 36:26

Kinimoovahani murima munyowani kiheleke mwa nyuwo munepa munyowani; kinimoovenxani murima wa nluku koovahasekeni wa ethai.

Matheyo 13:22

Mwaha wa mmiso ole waaliwe vanyiiwani, owo ti mutthu yoole oniiwa masu, mene weeteteiya wa okumi ola ni olokottha wa opuha onimvuvura omutatuxaka oohiima.

Marku 4:19

mene saaphiyaka sooweeteteela sa okumi ola ni olokottha wa opuha ni ohaawela itthu sikina, sinoovuvura masu, etatuxaka ale oohiima.

Yohaane 14:30

Miyo nkinooleelani vancipale niwoko mutokweene a elapo ya vathi aneera arwaaka. Owo khanono ikuru ni Miyo.

Yohaane 15:19

Mwaari a amalapo, awo saano yoosivenleeneni ntoko awaya. Wa soothesene, khamuhiyono a amalapo, mene Miyo kohoothanlani koovenxakani wa amalapo. Tivawo amalapo anoothanyaayani.

Yohaane 17:14

Kaahaavaha maswaanyu, ni amalapo yaahaathanya, niwoko awo khaahiyono a elapo ya vathi ntoko Miyo kihikhanlaakatho.

Yohaane 7:7

Amalapo khaangwera woothanyani, mene anookithanya Miyo, niwoko kinookhalela onamoona weera yeeyo ampakaaya ti yoonanara.

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 13:14

Ohiyanawaya, mwiiwarihe Apwiya Yeesu Kristu, ni muhuupuwele moota heeni woomaaliha soohaawela sa erutthu.

aRooma 7:12

Tivawo nlamulo ti nootteela, aani, malamulo ti ootteela, oowookowa ni ooreera.

aRooma 7:14

Noosuwela weera nlamulo ti na mmunepani. Wa soothesene, miyo nkihiyono, niwoko kaathumihiwe wa yoottheka ntoko epottha.

aRooma 7:22

Vano mpuwa mwa mmurimanimwaka koohakalalela nlamulo na Muluku,

1 aKorinto 3:19

niwoko miruku sa amalapo ti osikineya vamaithoni wa Muluku. Vano yoolempwa: “Muluku onnaavara asuweli moolokotthanimwaaya.”

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

2 aKorinto 5:17

Tivawo, mukina akhala mwa Kristu, ti opattuxiwa onyowani. Itthu sa khalayi soovira; sinyowani sohoorwa.

aGalata 1:4

yinnyerenre okumaaya wa sootthekasahu weera enoopole hiyo wa ehuhu ela yoonanara. Yaapaka yeeyo niwoko na otthuna wa Muluku Atithihu.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

awEfeso 2:2

mwa seiyo mweettelaanyu, muttharihaka mukhalelo wa elapo ya vathi ela, aani mwaamuttharaanyu mutokweene a ikuru sa opheyoni, munepa owo omvara muteko vaanaano mwa yaawo ankhala ni ettiyamaaru.

awEfeso 5:17

Tivawo, muhikhale alolo, mene musuwele ti heeni otthuna wa Apwiya.

aKolosi 1:9

Tivawo, okhuma nihuku niiwalaahu yeeyo, khaninghiyerera woovekelelani, nivekelaka weera nyuwo mukhale oosareya ni esuwelo yootheene ya otthuna wa Muluku, vamoha ni miruku sootheene ni wiiwexexa wa mmunepani.

aKolosi 3:10

ni moowara onyowani onrehereriwa woohihiyerereya moosuwelani, ntoko ekhalelo ya Mpattuxaanyu.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

1 aTesalonika 4:3

Otthuna wa Muluku ti weera nyuwo mutteelihiwe: musembe oraruwa.

Titu 3:5

Owo oonivuluxa ni otteelihiwa wa oyariwa wanaaveeli, ni orehereriwa wa Munepa Wootteela, ohikhanle niwoko na miteko sa ekhaikhai naapankaahu, mene niwoko na ikhararisawe.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

1 Pedru 1:14

Ntoko anamwane oowiiwelela, muhitthareke soohaawela soonanara sa khalayi mwaaraanyu oohisuwela.

1 Pedru 1:18

Moosuwela weera moovuluxiwa mwa mikhalelosanyu sa siiyo sa okhala nyuwo mwaakhenlaanyu ni makholowaanyu. Khamvuluxiwe ni itthu sooriheya ntoko iyuuma soorikaxa,

1 Pedru 2:3

woonaka weera moolawiha weera Apwiya ti ooreera.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

2 Pedru 1:4

Hiiho Owo oonivaha soororomelihiwa sitokotoko ni soottittimiheyaxa weera, niwoko na seiyo, nyuwo mukhale mpatta wa mukhalelo wa omuluku ni weera mutthawe soonanara siri mweelaponi niwoko na soohaawela soonanara.

2 Pedru 2:20

Atthu yoopowa soonanara sa elapo ya vathi woowaasuwela Apwiyaahu Yeesu Kristu Mvuluxa, ni vahoolowaya enavitikeleliwatho elamuliwaka ni seiyo, awo anootepa onanaraxa opwaha woopacera.

1 Yohaane 3:13

Axunnaka, muhitikhine amalapo yoothanyakani.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.